مغامرات مغربي بالصين مليئة بالطرائف : الجزء الثاني

بعد حوالي نصف ساعة في التاكسي وهو مريح فيه تلفاز في المقاعد الخلفية يعرض اشهارات , نصيحة لزوار الصين يجب تكون عينك على جهاز عد الكيلومترات ما ان تصعد حتى يخرج ورقة فيها وقت ومكان الركوب ادا لم يعطيك تلك الورقة فربما طلب منك ما يريد ولن تناقش والا صمكك جيتلي من حيث لا تدري، وصلنا إلى فندق خمس نجوم قرب المركز التجاري الضخم أشارت لي الفتاة بانها تشتغل هناك قلت لها سعداتك اختي الصينية،خاصك غ براد ههه،تكلمت الفتاة مع المسؤولة عن الفندق بالصينية وقالت لي كم ستبقى قلت لها أسبوع ولا تهليتو فيا نزيد ،راني جاي لزاوية مولاي التجاني, باش يتهلاو فيك؟  يصيبو لك كسكسو؟ قالت بانني تشطرت ليك فخصمت لك 5 دولار يعني 150 درهم لليوم، اعطتني كارت لفتح الباب وضعت حقيبتي في الغرفة ودهبنا إلى محل الفتاة ،في الطريق الكل يتحرك كانه يوم الحشر يقصدون في مشيهم قصدا بحالا مراتو قاتلو اجي راني كنولد، الوقت من ذهب وانا الوي عنقي كي ارى طول المركز التجاري اصطدمت بشاب حتى سقط أرضا لأنه كان يهرول فقلت صافي غادا تهرس فيا ش ضلعة، لكن المفاجأة انه لم ينتظرني حتى استسمحه بل تكركب وأكمل الطريق فعملت مقارنة على عجل بين الصيني و بوجمعة الذي ينظر الي على بعد  10 امتار ويقول لي شوف في راني كنعكر، اما اذا كان يومي منحوس ومس كتفي كتفه أو كيس الخضر يده فلن يفكنا إلا المخزن بعد أن يكون سال الدم وسمعت ما لذ وطاب من العنتريات والسباب... النساء أيضا يمشين محتشمات اذا نظرت اليهن صدفة يخفضن أعينهن للأرض  لباسهن عادي لا متبرج ولا محتجب لا يخضعن بالقول ولا يتوددن طمعا في السائح تتكلم معك بزنس از بزنس، لا تجد الضاوية يعاكسها بوجمعة ويقول لها كم الساعة رغم ان ساعته على ما يرام ، بعض الفتيات فائقات الجمال وتمر كانها لم يرها احد الكل متجه لما يعنيه، صعدنا خمس طوابق في كل طابق ارى رجل امن معه جهاز للتواصل مع الآخرين في حالة إلى ش سائح سخن عليه راسو يبردولو، يوجد مع الفتاة خبير في الصيانة قدمت له التحية فردها مبتسما اعطتني كرسي وبدأت في إعداد الشاي الصيني سخان على شكل رقعة ما ان تضع علية البراد حتى يفور، لا سكر ولا هم يحزنون في الاول كأنني شربت الدواء مرررر لكن مع المدة اصبحت مدمن عليه،سالوني من اي بلاد انت قلت من موروكو بالانجليزية، لم يعرفوه واحد يقولي مولوكو والاخرى مالاكا فدخلت الخريطة واريتهم موروكو وانا الذي كنت اضن اننا اشهر من نار على علم كنت اضن انهم سيخرجون عن بكرة ابيهم لاستقبالي لكن مع الاسف لم يعرفوا حتى موقعي على الخريطة رغم أننا نشتري كل بضائعهم المغشوشة باختيارنا بطبيعة الحال والا فجودة ألمانيا عندهم أيضا، سالتني صديقتها في المحل المقابل ان كنت أعرف باريس فقلت لها الآن عرفتم بلدي فانا تقريبا في باريس فقد استعمرتنا باريس نصف قرن تقريبا لذلك لا زلنا ننتمي اليها، فقالت انها ستذهب إلى باريس في اول زيارة لها خارج الصين لأنها مدينة رومانسية وجميلة فقلت لها لأننا قريبون جدا منهم فنحن أيضا نقطر رومانسية فقالت هل هذا صحيح فقلت عندما تاتين سترين ههه، تجولت قليلا في المكان كل ما تتخيله ولا تتخيله في مجال الاعلاميات والالكترونيك منشور في الأرض ، معظم المحلات مفتوحة في كل الجوانب ليس لها ابواب ولا حيطان ادا غاب لن يمسسه احد لا سرقة ولا تعدي بعضهم يترك النقوذ مكشوفة ويخرج ولا من شاف ولا من سمع ،كل صاحب محل امامه حاسوب متصل بالانترنت يعرض سلعته عبر العالم، وصل توقيت الغذاء الكل آت بغداءه من منزله الأرز هو الوجبة الرئيسية يضيفون إليها النباتات أيا كانت لا يركزون على اللحوم ولذلك لا يمرضون كثيرا فتجد مستشفياتهم فارغة ولكثرة حركتهم ايضا فيحرقون كل ما يأكلون، ارى واحد امامي يأكل بيد ويده الاخرى على لوحة المفاتيح يستعمل عودين صغيرين للاكل فمهما صغر الشئ يستطيعون التقاطه بهما فايديهم لا تمس الأكل، اسبوع وانا اتعلم كيف استعملهم وهم يضحكون من محاولاتي بعض المرات اقترب بالاكل حتى اقول وصل ويسقط ههه المهم تعلمت في الاخير، عدت إلى السيدة وقلت لها ساتي غدا قالت لي هل تعرف الرجوع الى الفندق قلت وأنا مسنطح بطبيعة الحال انا راني واعر هه لكن عندما نزلت ضننت انني نزلت من مكان الصعود فالعمارة الضخمة لها أربعة أمكنة للصعود إضافة إلى السنسورات في كل ركن ، عندما خرجت تبدل امامي كل شئ كانني دخلت من الغرب وخرجت من الشرق، يا لهوي أين هو الفندق انه هناك عندما اقتربت ليس هو ،فندقي كان قربه محل للمجوهرات بدأت ادور بالعمارة رغم ضخامتها وكل ما مشيت احس انني ابتعد عن الفندق، ما نفعني في هاته الورطة إلا كارت الفندق ونصيحة مني اي مكان دهبت اليه خد الكارت الخاصة به تعطيها للطاكسي أو الناس يوصلونك، والا اصبحت في برنامج مختفون، اعطيتها لواحد من الصينيين فاشار لي مكان بعيد في الإتجاه المقابل،  قلت الحمد لله الله يحفظك اخويا الشنوي عتقتني،بحثت عن شيئ حلال هناك يعمر لقناة لكني لم اجد إلا البيض لا لوبيا ولا عدس ولا طاجين إلا الأرز فيه لحم حرام ، كان صديقي زار الصين فاعطاني بطاقة خاصة بمطعم مصري هناك اعطيتها للطاكسي وقلت له رول خويا نمشيو لمصر ناكلو الفول المدمس والكباب،انزلني واشار بيده المكان هناك دهبت للمكان فلم أجد المطعم، أين انت يا مصري قلت ربما قفل المحل اعطيت الكارت لأحد من المارة قال لي لا يعرف اعطيتها لشاب فقال ربما في الجهة المقابلة دخلنا تحت الأرض وخرجنا من مكان آخر كما يفعل الجربوع سأل واحد آخر قال له المطعم مختبئ بين المنازل رافقني إلى الباب وقال اوكي وجمع يديه ونزل كما يحيون بعضهم فقلت انا العبقري انه يفعل ذلك لاعطيه المال، وعندما اخرجت حوالي 50 درهم ، دارلي جلد حتى قلت سيضربني واحمر وجهه فلم اعرف ماذا اقول إلا اسمحلي يا خويا الشنوي حسابلي راني في محطة ولاد زيان حيث يساعدك بزز منك بحمله لك متاعك وتعطيه التدويرة بسيف عليك، فصاحبنا لم يرضى أن أعطيه المال مقابل مساعدته لي فلم يربى على ذلك، دلفت إلى المطعم وراسي يدور من هذا الموقف؛ سالته ازايك يا خويا الصعيدي أنت والله كلومبوس المصري اتيت من ام الدنيا لتطعم الصينيين الفول والكباب، أعجبه الاطراء وقهقه وانتشى وقال يا ولد انت اليوم ضيف عندي اشته وانا أحضر لك، قلت مشكور يا خويا لكن سادفع كما يدفع الناس لأنك ادا كل عربي أتى تستضيفه غادي دير فييط في بلاد الصين، قال المهم المشروب علي، قلت ماشي يا عمدة، كان ثمن الغداء خمسون درهما إضافة إلى خمسين للطاكسي، قضية هادي يعني انا خاصني 300 درهم للاكل فقط ، ضروري أن أجد حلا والا بقيت نطلب هنا، رجعت إلى الفندق ارتحت قليلا وقلت ابحث عن مقهى نعصر شويا ونتكونيكطا، المهم خرج سك حسين يقلب على المقهى طابو رجلي ولم أجد ولا واحد فقلت لا يمكن بلاد بهذا التطور والاتساع ليس فيها مقاهي المهم وانا امشي سالت واحدا فاشار لي لمكان في الركن دهبت فوجدت 3 كراسي ورجل وراء ماكينة القهوة فرايت أن الناس تطلب قهوة وتشربها في دقيقتين ويفرغ الكرسي للآخرين، فقلت يا عين يا ليل يعني أن الناس ليس لها وقت تضيعه لذلك مشروع مقهى هنا فاشل من يومه فنظرت في اتجاه الرباط لأجد بين كل مقهى ومقهى مقهى والزحام والناس يتشاجرون عن الاماكن واحد يقول لصاحبه هادي بلاصتي يقول له الاخر وكيف عرفت انها لك ليرد عليه الم تجد الجورنال فوق الكرسي ليرد الآخر الجورنال ديال مول القهوة بوشعيب عاجبو هاد الفيلم ينتظر التشرميل جاء الثامنة صباحا شبع فراجا فالغادية والجاية الطويلة القصيرة الغليظة الرقيقة... سخن قهوته 3 مرات وعندما اراد ان يمشي للغداء قال للكارسون أنا غطيتها حتى نرجع ههه، ليفاجأني الصيني ماذا تشرب قلت قهوة نورمال، دقيقة، تفضل شربتها على عجل وغبرت، الفندق كان قربه جهاز تلفاز ليد كبير معلق في راس العمارة يعرض الإشهارات والنصائح بهدا علمت فندقي اصبحت الآن ادخل تحت الأرض واخرج من جميع المخارج وابحث عن التلفاز الكبير فاجده دائما، المصيبة إلى طفا، إلى طفى نشد طاكسي انا عرفت القوالب.

وأنا واقف في احدى مخارج الانفاق رأيت في الجانب المقابل ماكدونالد قفزت إلى هناك لعلي أجد شيئا حلالا عندهم، عند الباب مكبر صوتي يردد قائمة المشروبات والمأكولات لا يكل ولا يمل دلفت إلى الداخل اربع عاملات متانقات بنفس اللباس تمشي معك في اتجاه اخريات أيضا بنفس الأناقة واللباس لكل واحدة دور، قالت لي سيدي من فضلك ومنحتني القائمة كل شئ عدا المشروبات فيه لحم وأنا اتفحص ظهر لي سمك فقلت لها فيش من فضلك وبطاطس مقلية، اللهم لعماش ولا تبات بجوع، بلعت تلك المضغة المسماة سمك وكانني لم آكل شيئا بحوالي 40 درهم، قبح الله ماكدونالد إلى تبعتها نبقى زاوي خاوي المعدة، بدات ادهب في الشوارع جيئة وذهابا لمعرفة ما تخبئه، ارى امامي شيخ طاعن في السن يضع على رأسه طاقية للمسلمين يضع الدجاج في جهاز ويشويه على الحطب اقتربت منه وقلت السلام عليكم قال وعليكم السلام قلت مسلم قال مسلم، الحمد لله وجدت مسلم صيني، قلت دجاج حلال قال حلال، قلت يا عيني عليك يا حاج، وبكم الثمن قال 30 درهم، يا سعدي ويا فرحي آخد دجاجة نصف للغداء ونصف للعشاء الدجاجة ليست كدجاجة المغرب فهي ميني دجاجة قد لحجلة وفي لهجة اهل الشرق عتوكة، قلت جمعلي وحدة عمي الحاج، اخدتها وسألت عن الخبز فاخرجلي خبزا مثل الثريد كانه شم النار ورجع 20 منه يساوي خبزة مغربية، فينك الوالدة خبزتك كنكلوا منها حنا سبعة إضافة إلى لذتها، اخدت 3 بدرهمين وشكرته وانصرفت في الطريق وجدت الفواكه بنفس ثمن المغرب، صافي دبا كل شئ موجود لا داعي للدهاب إلى مطعم مصر أو غيرها، طعم الدجاج لذيد مذاقه كالفطريات لا يشبه دجاج المغرب حيت حتى الدجاج شنوي هه، اتفحص ماذا يوجد في غرفة الفندق هناك 4 فوطات كبار و إثنين صغار 3 معجون اسنان مع فرشاتهم 3 اكياس شمبوان و3 صابون نعلين واحدة بلاستيك والاخرى قطن 6 أكياس صغيرة من الشاي وابريق يعمل بالكهرباء تلفاز وأنترنت هاتف 3 اغطية للسرير، دوش،كل هاته الاشياء تبدل يوميا ادا اردت اخدهم فلا مانع فهم لك,لمهم تبريعة ب 150 درهم، بعد الثامنة قلت أخرج اكتشف الصين ليلا معظم المحال لا زالت مفتوحة الناس تمشي في كل اتجاه وقت الخروج من العمل دخلت إحدى الانفاق فلم أخرج استمريت في المشي لاكتشف اسواق تحت الأرض، يا لهوي كل ما فوق الأرض مثله تحت الأرض محلات ومطاعم معظم من يعمل فيهم نساء تبتسم في وجهك وتحاول جرك إلى الداخل لتشتري منها،خرجت من إحدى المنافذ باستعمال السلم المتحرك تضع رجليك فيقدفك بسرعة إلى فوق اذا أخطأت في مكان وضع الأرجل ربما تجد نفسك مكركب على انفك في آخره ولمن لا يعرف استعماله فالسلم الثابت قرب المتحرك اختر ما تريد، هناك أيضا طريق للمكفوفين على طول كل الأنفاق يتحسسه برجليه فيعرفه لا يحيد عنه، في آخر الشارع وجدت مطعم ومقهى فيه كراسي مثل السرير فيه بضع زبناء، جلست وطلبت عصير تفاح مذاقه غريب مثل البطيخ، الإنترنت بالمجان بدون باسوورد، شاطي مع راسك حتى تقنع، بقيت حتى حوالي الثالثة صباحا وخرجت في اتجاه الفندق، الشاشات العملاقة لازالت تعرض الإشهارات، ناطحات السحاب مضاءة بالالوان من اسفلها إلى رأسها مع تبديل الألوان والأشكال، مناظر جميلة للمدينة بالليل كانها فيلم خيال علمي، نزلت مع النفق كان طويلا جدا فنظرت في طوله لم ارى احدا فقلت الله يستر غادي يخرجلي ش جاكشان يديلي هاد جوج ريالات ويبوقلني هه قرأت ما تيسر من القرآن واسرعت الخطى، لو كان شخص ما قادم امامي اكيد كنت ساقلب 180 درجة ، ستر الله حتى وصلت الفندق في أمان الله، مع العاشرة رن هاتفي قالت لي الصينية نحن في السيارة ننتظرك، سيارة مالك شركة الروبوتات، سيارة كبيرة وفاخرة صعدت في الخلف قدمت التحية للمدير رد بالصينية لا يعرف الإنجليزية، الفتاة تترجم لنا ما نريد قوله، يقود بي كانني أمير خليجي كل هاته السيارة الفخمة لاجلي ويقود بي سك المدير، انا شخصية كبيرة في الصين لكن في المغرب ماداها فيا حد وقيلا نبقى هنا نترشح للرئاسة ههه ساعة ونصف طريق وجدت نفسي خارج المدينة لم احس بها لأن عيناي كانتا مبرققتان فيما هو امامي إضافة إلى راحة المقاعد والنقاش مع المدير، الشركات خارج المدينة قرب الغابة لامتصاص التلوث والضجيج، دخلنا الشركة وجدت حوالي 10 فتايات بلباس موحد واقفات في المدخل لاستقبالي باناقة كبيرة وابتسامة عريضة، باك الحسين داخ، بقى غ يقولو عاش الحسين ونقولهم أنا شعبي العزيز ههه، شكرتهم وحييتهم بابتسامة مغربية، دلفت إلى مكتب المدير فضغط الزر فإذا البراد يفور كؤوس صغيرة من الخشب اضافة الى الملعقة كل شئ منظم بعناية فائقة شربت كاسين اصبح مذاقه لذيد في فمي رغم انه بدون سكر، اتوا بخليط من الحلوى فسالت إن كانت حلال قالوا ولا يهمك نحن اشتريناه خصيصا لزبنائنا من المسلمين، نهض المدير قال ليراقب شيئا ما فاتت فتاة وجلست في مكانه فتكلمت معي بالانجليزية سألتني عن اسمي وبلدي إلى آخره، فقلت أنت نائبة المدير طبعا؟ فقالت لا انا متدربة جديدة فقلت وكيف تجلسين في مكان القائد العام فقالت ليس عندنا مشكل في ذلك، فقلت الله يخرب بيت مدراء المغرب يجب ان تركع حتى تدخل مكتبه فما بالك أن تجلس في مكانه، عندما قامت اتت أخرى فجلست في مكانها يعني أن مكتب المدير للجميع الكل مدير والكل عامل، سالتني واحدة إن كنت أريد استكشاف الشركة فقلت طبعا وأنا اتجول وجدت سك المدير بنفس لباسهم يعمل عملهم فقلت أين أنتم يا عرب قتلتونا بالفيش والنفخة الخاوية كل من رزقه الله بمنصب ضن انه وحيد زمانه، وصل وقت الغذاء سألني المدير ماذا تاكل فقلت نبحث عن مطعم حلال ركبنا والفتاة وانطلقنا، يعرفون مطاعم للمسلمين دخلنا أحد المطاعم الفخمة كان صاحبه باكستاني القيت التحية وردها قلت مسلم قال نعم، اتوا بقائمة للاكل طلبت حمص مع لحم دجاج كان لذيد جدا لكن ياخوتي اضن انه وضع فيه ربع كيلو حرور حتى دمعت عيناي وتعرقت واحمر وجهي وسك المدير والفتاة يضحكون مني، لا يضعون ماء مع الاكل بل يجب أن تطلبه، اتوني بالماء لابرد النار التي اشتعلت في فمي وحلقي لكن المصيبة أن الماء كان ساخنا دير بيه اتاي، مصيبة هادي، اختي الشنوية بغيت ماء بارد نبرد هاد النار، قاتلي لا يوجد ماء بارد كل المطاعم تقدم ماء ساخن لانه أنفع للجسم ويبرد العطش، يا لهوي فشربته كما يشرب الشاي فكان كلامها صحيحا برد العطش وانطفا اللهيب، فقلت هاكاك لذلك تقول لي امي هاك هاد لكويس اتاي تبرد لعطش في الصيف،ضننت أن ذلك الحرور سيجعلني لاجئا في المرحاض لكن لم يمسسني سوء فقلت حتى هاد الحار ديال الشنوا ضريف، في المغرب ما إن يصل معدتي حتى اتصل برجال المطافئ ويصبح بيت الراحة مكتوبا باسمي، أكل معي المدير والفتاة طعاما حلالا فقالا انه أعجبهم وتناقشنا لمادا لا نأكل اللحم الحرام فاقنعتهم بدلائل علمية فتعجبو وأعجبوا بديننا وثقافتنا بعدما كانوا يظنون اننا في أدغال أفريقيا مثل طرزان نقتات على البلوط والأرانب ههه، شكرتهم على حسن ضيافتهم، سألني المدير إن كنت ارغب في مساج للارجل فقلت وفيما يفيد؟ قال بعده تصبح قدماك خفيفتين كأنك تطير، فقلت نشوفو هاد الطيران، صيني كبير في السن يبدو انه جد جيتلي من خلال حركاته كأنه ابن 20 سنة، يضع لك رجليك في ماء ساخن بعد وضع الصابون، بعد 10 دقائق ياخدك إلى مكان هادئ ويطلب منك الاسترخاء ويضع فوطة ساخنة تحت رأسك وأخرى فوق عينيك ويبدأ في فرك مناطق محددة في القدمين سالته لاكنه لا يعرف الإنجليزية فناديت الفتاة وسألته لمادا يفرك مناطق محددة في القدم فقال بان كل منطقة متصلة بعضو من اعضاء الجسم وادا كان به مرض سيشفى فقلت سبحان الله، بعد حوالي 40 دقيقة غسل لي رجلي من جديد واعطاني حذائي، وانا خارج احسست فعلا بنشاط زائد وخفة، فقلت للمدير الله يحفظك خويا المدير الشنوي درتي فيا خير كبير كانو يضروني فعلا رجلي بالوقوف، قال بابتسامة مرحبا في كل وقت ، ارجعوني إلى الفندق دون أن يناقشوا معي لا بيع ولا شراء يتركون لي حرية الاختيار حتى افكر..

يتبع

الدول الأوروبية تمنح 96 ألف تأشيرة إقامة للمغاربة في عام واحد

مازالت القارة الأوروبية هي الأكثر جذبا للمهاجرين المغاربة، وفق ما أظهرته إحصائيات مديرية "Eurostat" التابعة للاتحاد الأوروبي، حول الأجانب الحاصلين على الإقامة في القارة العجوز خلال سنة 2015. واحتل المغاربة، بحسب هذه الإحصائيات، المرتبة السادسة في ترتيب الجنسيات الحاصلة على الإقامة في أوروبا.

الإحصائيات ذاتها كشفت أن المغاربة حصلوا على 96 ألف تأشيرة للإقامة في القارة الأوروبية في سنة 2015، متقدمين على الجزائريين الذي ظلوا لفترة أكثر شعوب شمال إفريقيا حصولا على تأشيرة الإقامة الأوروبية. ويحوز المغاربة إلى جانب المواطنين القادمين من أوكرانيا، والولايات المتحدة الأمريكية، والصين، وسوريا، على أكثر من نصف تأشيرات الإقامة الممنوحة من طرف دول الاتحاد الأوروبي.

ويبقى السبب الرئيسي الذي دفع بالمغاربة إلى تقديم طلبات الحصول على تأشيرات "شنغن" هو الالتحاق بأحد أفراد الأسرة المقيمين في الدول الأوروبية، بينما يعود السبب الثاني إلى العمل في أوروبا، والثالث يرتبط بمتابعة الدراسة، في حين تظل فرنسا البلد الأول في استقبال الطلبة المغاربة.

وحصل 70 في المائة من المغاربة على تأشيرة الإقامة بأوروبا خلال العام الماضي لأسباب عائلية، و11 في المائة منهم بغرض العمل، والنسبة ذاتها لمتابعة الدراسة، ليكونوا بذلك أكثر الجنسيات حصولا على التأشيرة لغرض عائلي، عكس بقية الجنسيات التي ترتفع فيها نسبة الحصول على تأشيرة الإقامة لأغراض الدراسة والعمل.

وتبقى فرنسا وإسبانيا وإيطاليا الدول الأكثر منحا لتأشيرة الإقامة لفائدة المغاربة، وهي الدول التي تعرف تواجد نسبة مهمة من المغاربة المقيمين في أوروبا. والمثير في إحصائيات الاتحاد الأوروبي أن بريطانيا باتت تنافس فرنسا على استقطاب الطلبة المغاربة، وأضحت المملكة المتحدة تستحوذ على 44 في المائة من مجموع عدد الطلبة الأجانب الراغبين في متابعة دراستهم بأوروبا.

وبصفة عامة، بلغ عدد تأشيرات الإقامة الممنوحة من طرف الاتحاد الأوروبي حوالي مليونين و600 ألف تأشيرة خلال العام الماضي، وهو رقم قياسي جديد ارتفع بنسبة 12.1 في المائة مقارنة مع سنة 2014. وتحتل بريطانيا صدارة الدول الأوروبية في منح تأشيرات الإقامة بأزيد من 633 ألف تأشيرة، ثم فرنسا بأكثر من 270 ألف تأشيرة، فألمانيا بحوالي 190 ألف تأشيرة.

مغامرات مغربي بالصين مليئة بالطرائف : الجزء الأول

منذ صغري رافقني في منامي حلم كل ليلة لم اجد له تفسير حتى وصلت 30 سنة وهو انني كنت ارى نفسي اطير في السماء وفوق الأسطح واحمل الناس فوق ظهري وانقذهم ادا كانت هناك مشكلة ههه سبيرمان وكنت ارى نفسي اطير فوق البحر كثيرا لكن الغريب انني كنت اطير قليلا واجد نفسي لا ارى شيئا كانما اطير في الظلام ثم أجد نفسي ارى ثم اصبح أعمى وهكذا يمر معظم حلمي في الطيران عموديا وافقيا وتسلقا للحيطان والجبال...

اشتريت جهازا عبارة عن روبوت لاصلاح اعطال الكومبيوتر فقعدت تقريبا 6 اشهر احاول اتقان استعماله لكنني لم أفلح فخطرت لي فكرة الدهاب إلى الصين وتعلم أسراره وتعلم اسرار اصلاح الحاسوب والإطلاع على الجديد... فطرحت الفكرة على بعض الاصدقاء فقالوا يجب أن تذهب مع أحد في المرة الأولى لأن مدن الصين كبيرة جدا ومعقدة في المواصلات اضافة الى مشكل اللغة... ففكرت لايام ثم عزمت على المغامرة لوحدي اوهي اوفين خرجات ربحا ولا دبحا، المهم دفعت الفيزا وخرجت في اسبوع حجزت في القطرية وتوكلت على الله، كان الاقلاع العاشرة صباحا وصلنا قطر بعد حوالي 8 ساعات، عند خروجي من إحدى بوابات التفتيش لمكان الإنتظار وضعت الهاتف مع باقي المستلزمات في إحدى تلك السلل وكلما اردت الخروج صفرت الصفارة فرجعت ووجدت في جيبي قطع نقود وعندما رجعت صفرت أيضا ففتشني ولم يجد شيئا لكن عندما اتيت صفرت فقلت صافي فيا ش حاجة غادين يكلبشوني ماشي مشكل سجن في قطر غادي يكون 5 نجوم ههه، فقال لي انزع الحذاء نزعته واقتربت من الباب كانني في حمام لكن المصيبة انها صفرت فارجعوني إلى الخلف وقاموا بتفتيشي تحت المجهر ولم يجدوا شيئا فظنوا انني بالع شيئا في بطني مسدس أو سيف مثلا ههه فقلت في نفسي هاته الباب المجحومة عدوها كل ما هو معدن او حديد فقمت بنزع حزامة السروال وقلت لهم اجرب الآن فممرت والحمد لله نجوت من عملية قيصرية وعندما ذهبت لاخد مستلزماتي لم اجد الهاتف فضللت ابحث لكنه تبخر سالت مسؤولة كانت منشورة هناك قرب شاشة حاسوب تراقب مرور متعلقات المسافرين قالت لي ايش خويا ما شفتو ما بعرف فقلت لها ايه الحلاوة دي، دا انت سكرة، بعد المرور على هذا الصراط الدنيوي اجد نفسي بلا هاتف لكن الحمد لله كان متهالكا لن تعطي فيه 100 درهم قلت حتى اصل الى بلاد الهواتف واتبرع،  لكن خطط السفر كانت عليه إضافة إلى أرقام الهواتف لبعض الشركات وبعض الصينين عرفتهم على الإنترنت وابسط شيئ لمعرفة التوقيت في بلاد العجائب، المهم قلت انا من اخترت المغامرة وللمغامرة ثمنها فاستحمل وضرب الطم، بت تلك الليلة في المطار كان الجو باردا لم يأتيني النوم من البرد ومخافة ديرها بيا الطيارة،مع السادسة صباحا دهبت وتناولت الفطور ب 18 ريال قطري، عمرت لقناة ونقول جبد في اتجاه القطرية اخدت مكاني قرب النافذة كي ارى البحر وقلت للربان يالله رول خويا ههه بعد ساعة جاءت مضيفة واضعة على وجهها ما لذ وطاب من الماكياج فقالت لي شيكن اور ميت يعني دجاج أو لحم كأن الجالس امامها طوم كروز أو براد بيت فنظرت اليها وقلت لها نتوما المغاربة مكتحشموش بنت ليك مزيود فبوسطن قاتلي ويلي باش عرفتني مغربية قتلها مكتوبة فجبهتك وخا ديري كاع مكياج الدنيا أو تهدري بالفلامانكية فقهقهت من الضحك وقالت لي شنو بغيت ترهج اهاد الصكع ههه قوتلها دبا هدرتي الضاوية يوا الالا ما بغيت لا ميت ولا حي بغيت البصارة بالزيت بالبلدية وبراد اتاي بالتخليطة يعني سبع عشوب لمن لا يعرف التخليطة،  فقالت طلبت المستحيل اونودت فيا الهوايش غادين يطيحوني عظامي هادي 4 شهور ماشفت هاد شي لي طلبت قتلني هاد الكواتشو هنا. المهم قرقبنا الناب شويا ومشات جابتلي الكواتشو والقهوة وتهلات فيا بالعصير وداك التخربيق ديال الطيارة الله يجازيها،عندما عمر البطن احسست بالنوم فنمت معكوفا لضيق المساحة بين الكراسي كان امامي راكب يطلق الكرسي محاولا جعله ناموسية غير مبال بأن انسان يتنفس وراءه فكنت ادفع الكرسي عندما ينزله لانه خنقني ورغم دلك نمت وعندما استيقظت وجدت رأسي مع ظهري اصبحا كالمنجل لا يتحركان نظرت فرأيت البحر تحتي لكنني لا زلت محتاج للنوم وضعت الوسادة على النافذة ونمت بعد مدة استيقظت لأن الرحلة طويلة حوالي 10 ساعات دون توقف لا تسمع إلا ازيز محركات الطائرة فكان ركوب الطائرة هكدا نوم استيقاظ نوم فوق البحر. فقلت في نفسي لقد رأيت هدا من قبل، هدا تفسير  رؤياي من قبل قد جعلها ربي حقا،  فكما دكرت في بداية الرحلة انني حتى 30 سنة وانا ارى نفسي اطير فوق البحر وبعد مدة أصبح أعمى تم أبصر واجد نفسي لا زلت فوق البحر وهكذا  فقلت سبحان الله بعد كل هاته المدة ارى تفسير دلك الحلم المتكرر بدقة متناهية يعني عندما انام في الطائرة أصبح أعمى وعندما أستيقظ ارى البحر تحتي فسبحان الله يضع أسراره في خلقه وبكشفها لهم عندما يريد،نزلت ليلا في هونك كونك في مطار ربما لن يبنيه المغرب الا بعد قرون ادا انخفض عدد لصوص المال العام، مجهز بكل ما يلزم تجري فيه الخيل لاتساعه، مشيت كما يمشي الناس دون أن اعرف إلى أين يذهبون المهم تحرك هي اوفين خرجات وجدتهم ينظرون في لوحة ضخمة معلقة بدات حتى انا انظر لكن تبين لي انها مواعيد الطاءرات التي تنقل الناس لمختلف المدن الصينية، لكن انا اريد الدهاب إلى اقرب مدينة لهونك كونك وهي المدينة الصناعية الحديثة شينجن،لكن مادا أفعل؟ رايت مكتب أمامي مكتوب عليه السفر الى الصين دلفت إليه سالت أريد الدهاب إلى شينجن فقالت لي لا لا بالانجليزية طبعا فخرجت وبدات اجوب المكان طولا وعرضا ، ظهر لي مكتب اخر سالت نفس السؤال قالت ليس هنا قلت اين؟ قالت في الخارج ولم أفهم مادا تعني بالخارج حتى حين ، المهم تلفتلي القردة وجلست على إحدى الكراسي وبدأت افكر مادا أفعل رأيت بعض الناس ينزلون تحت الأرض عبر إحدى السلالم الأتوماتيكية فقلت والله حتا نزل نشوف فين غادي هاد شي، المهم نزلت مشيت قليلا وخرجت لأجد نفسي خارج المطار يا لهوي المطار بني كانه في الطابق الأول يعني يجب أن تنزل تحت كي تخرج وانا ظننت انني ساخرج مباشرة مثل مطار كازا، المهم مشيت في محاذات المطار فظهر لي مكتب مكتوب عليه سفر دهبت إليه سألت أريد الدهاب إلى شينجن فقالت لي اوكي .كان الثمن 600 درهم تقريبا الحمد لله المهم بعدا انا غادي هناك يحن مولانا، بعد برهة أتت سيارة على شكل ليموزين فقالوا اصعد فلم أصدق نفسي فقلت لعلهم يعتبرونني امير خليجي ههه أو يريدوني خطفي ركب واحد في الإمام وانا وفتاة في المقاعد الخلفية سيارة 5 نجوم المهم وخا نجيبو من الصين غ هاد الركبة باراكا ههه، ملئت بعض الأوراق وانطلقنا وصلنا للحدود بين المدينتين أوقفوا السيارة وفتحوا جميع الأبواب والكوفر قلت مشيت فيها كفتة غادين يغاتالوني حيث انا هو كينيدي وتا نود راه هادي مسألة روتينية اوصافي، المهم بعد ساعتين ونا حال فمي فداك شي لي قدامي حطوني، فقلت لهم هاده شينجن فقالوا نعم، وقفت ورايت في جميع الاتجاهات أين انا وأين اذهب وكم الساعة الآن الله ياخد الحق فلي دالي تلفوني نشوف غ الساعة بعدا، كم الساعة في نظرك الناس قليلون جدا والحركة هادئة محال قليلة مفتوحة إلى كان عقلي ينفعني تكون دبا الوحدة ما نعرف تقدر تكون الربعة هاد الشعب مكينعس حتى كيعيا. المهم بديت كنسركل ، مرفوع الهامة امشي منتصب القامة امشي اجر باليزتي بيدي ، أول فكرة أتت في ذهني ان ابحث عن مقهى انترنيت اعرف التوقيت واتواصل مع بعض الصينين أحدد لهم مكاني ليوجهوني أين اتجه، المهم بحث في جميع الاتجاهات ولم أجد حسابلي راني فالحومة فيها 5 سيبيرات عاصرين الناس فالشات هادو كل واحد عندو سيبيرو فجيبو، وانا اسير سالت واحدا أريد مقهى انترنت لا يعرف الا الصينية شكرته بالصينية تعلمت 10 كلمات قبل الذهاب، ثم سالت آخر فلم يفهم وكتبت له في ورقة (انترنت ايمايل تشاتش) فقال لي انه فهم واخدني في السنسور 10 طوابق على ما اظن ودخلت في مكان فسيح فيه جميع أصناف شباب الصين منهم من يطيس ومنهم من يدخن والهرج والمرج فقلت انا لله وانا اليه راجعون وداعا ايتها الدنيا ههه فادخلني ووضعني أمام شاشة كبيرة مسطحة وضغط الزر فانطلقت قائمة الالعاب وقال لي اوكي، فقلت لنفسي وامصيبتاه هل قطعت كل هاته المسافة لالعب البلايستيشن ضن المزغوب انني ابحث عن البلايستيشن فقلت له ابحث عن الانترنت واشرت له للكتابة على لوحة المفاتيح فضن انني اريد المانيطة، فقلت له باي باي وتبين لي انهم غير مهتمين لا بدخولي ولا خروجي فقلت الحمد لله كنرجع ندبح حولي على سلامتي مزال حي، تكركبت مع داك السنسور لقيت راسي في الشارع، بدات افكر مادا أفعل وانا اسير وجدت محل لبيع الحواسيب دخلت إليه وقلت له أريد حاسوب فاخترت واحد صغير كان ثمنه 900 درهم اخدته وانصرفت فبدات في البحث عن الفندق رفعت راسي فوق وجدت الفنادق لعلك ترضى دخلت الاول سالتها هل عندكم انترنت قالت نعم شغلت الحاسوب لأجد ان الوندوز باللغة الصينية اضافة الى انه الكارت ويفي غير معرفة فقلت كملات الباهية زينة اوزادها نور الحمام، شنو ندير دبا، بدأت ابحث عن فندق فيه الانترنت بالكابل عوض الوفي تساريت حتى طابو رجلي والو غ الوفي فهاد الأرض، المهم باش نرجع لصاحبنا يعرفلي لوفي ربما ارجع للمغرب اسهل من أن اجده، شوارع كانها متشابهة مدينة فيها 12مليون نسمة ، لم اياس وتابعت البحث بعد مدة وجدت واحدا عندهم انترنت بالكابل ، ثمن المبيت كان 250 درهم زائد 100 درهم ضمانة لا اعرف أي ضمانة ربما خوفا أن تسرق براد القهوة الدي يشتغل بالكهرباء أو تاخد كارت فتح الباب لانها الكترونية تضعها على الباب فيفتح مثل كلمة افتح يا سمسم، قلت الحمد لله نرتاح بعدا وانا غدا لناظره قريب شغلت الحاسوب رغم أنه بالهروغليفية ونظرا لتعاملي الكثير مع الحاسوب لم اجد مشكل كبير فتحت الهوتميل ارسلت رسالة إلى فتاة ممثلة شركة قلت لها انا في الفندق الفلاني، انتبهت للساعة انها 3 صباحا، استيقظت على طرق الباب وكانني احلم لا زلت اسمع هدير الطائرة بلعت ريقي فسمعت اذناي تطرطقان وكان فيهما مفرقعات الأطفال، الضغط الجوي في الطائرة يسبب هذا وخاصة ادا كانت المسافة طويلة، نمت بملابس السفر نظرا للعياء الشديد ، فتحت الباب قالت لي هل أنت فلان قلت نعم قالت انا انتظرك في الخارج ، اخدنا طاكسي وتوجهنا نحو أكبر مركز تجاري للحواسيب والهواتف ومتعلقاتهم، ما زال النوم مسيطر على مقلتي والعياء ايضا لكن حب الاكتشاف والفضول اكبر من النوم، الوي عنقي إلى أعلى محاولا حصر طول ناطحات السحاب لكنه لا ينحصر انظر الى الشوارع الواسعة جدا والى كثرة الاشجار والورود والمنطاق الخظراء وكأنك في غابة واقول هل فعلا هنا 12 مليون نسمة فنحن في الرباط يقولون اننا اقل من 3 ملايين نسمة لكن رغم ذلك كان المغرب كله في الرباط فكي تنتقل من مقاطعة لاخرى يلزمك بعض المرات أكثر من ساعة مع العذاب الشديد الناتج عن الزحام والاكتظاظ وأصوات المنبهات التي يدمنها الكثير حتى أصبح بعضهم يكلاكسوني على الأشباح ههه،الراجلون لا يقطعون الشارع مباشرة بل ينزلون في طرق ومنافد تحت الارض تنزل من باب واحد لكن تجد بعض المرات 5 أو 6 منافذ الاتجاهات مكتوبة لا تخف ولا تدهش يعني السيارات لا تقف للمارة فانت تقود براحة مطلقة.

يتبع

مدينة كندية تبحث عن مهاجرين للعمل بها بشروط بسيطة

لكل من يبحث عن الهجرة إلى كندا بشروط سهلة مدونة الهجرة الإلكترونية جلبت لكم اليوم خبر جد مفرح،وفي الرابط أسفله سوف تجدون الملف المطلوب والوثائق الضرورية،بدون إطالة نترككم مع الخبر:

أعلنت مدينة «موردن» الواقعة في مقاطعة مانيتوبا الكندية عن فتح باب الهجرة إليها بشروط سهلة مقارنة ببرامج الهجرة التي تشترطها الدول الأخرى. وكشف موقع «صوت كندا» أن هذه المدينة التي يبلغ عدد سكانها 9 ألاف نسمة فقط تسعى لجلب المهاجرين لسد احتياجاتها من اليد العاملة، وذلك عن طريق فتح الباب للمهاجرين بدون شروط عقد العمل أو اللغة مثل المقاطعات الأخرى. ويمكن الهجرة إلى مدينة «موردن» عن طريق برامج المستثمرين التي لا تطلب مبالغ ضخمة، وذلك بامتلاك المستوى الخامس في امتحان اللغة الإنجليزية «ايلتس» السهل جدا. وأكد الموقع أن الأشخاص المؤهلين سوف يتم دعوتهم لزيارة المدينة كما سيتم تخصيص موظف من الهجرة لمرافقتهم وشرح طرق التقديم التي يجب القيام بها بعد العودة عن طريق الموقع الالكتروني لمصلحة الهجرة الكندية. ويتوجب على المترشح تقديم وثائق تطابق شروط الهجرة للمقاطعة من أجل تسهيل عملية الحصول على الموافقة بدون تعقيدات، كما ستتم إجراأت الفحص الطبي والأمني عن طريق سفارات الحكومة الكندية. ومن أكثر الوظائف المطلوبة حاليا بمقاطعة مدينة « موردن » هم الخياطين والعاملين في مجال صناعة الملابس، وميكانيكيي السيارات وطباخين وعاملي المطاعم.

                                                             الرابط

                                       http://www.mordenimmigration.com

كندا تحتاج 300 ألف مهاجر لسنة 2017...كندا في حاجة إلى يد عاملة

رويترز

اعلن وزير الهجرة الكندي جون ماكولوم الاثنين ان بلاده تريد استقبال 300 الف لاجئ في العام 2017 على غرار العام الحالي، على ان يكون عدد اللاجئين اقل من المهاجرين وذلك لاسباب اقتصادية.

الا ان هذا العدد اقل بكثير من التوقعات بعد ان اشار تقرير نشر الاسبوع الماضي الى اقتراح بزيادة عدد المهاجرين الى 450 الفا سنويا.

وكان ذلك من شانه ان يؤدي الى زيادة عدد سكان كندا ثلاثة اضعاف بحلول نهاية القرن الحالي.

وتابع ماكولوم ان الحكومة ستعتمد رقم 300 الف مهاجر في العام "مرجعا للنمو المستقبلي (...) مما يشكل زيادة ب40 الفا عن المعايير التاريخية".

وكان رئيس الوزراء الليبرالي جاستن ترودو اعلن فور توليه منصبه قبل اقل من عام اعادة تحفيز الهجرة الى بلاده خصوصا من خلال استقبال لاجئين.

منذ الرابع من تشرين الثاني/نوفمبر 2015، استقبلت كندا 33,239 الف سوري وتشير الارقام الاخيرة الى ان 22,296 الف لاجئ سوري تقدموا بطلبات للهجرة.

واضاف ماكولوم "الهجرة تلعب دورا مهما في الحفاظ على القدرة التنافسية لكندا على صعيد الاقتصاد العالمي"، لانها تعوض عن تقدم السكان في السن.

ومضى يقول ان عدد 300 الف شخص يتم استقبالهم سنويا في كندا يمكن ان يصبح المعيار على ان تكون الغالبية من "المهاجرين الاقتصاديين".

من اصل هذا العدد هناك 172,500 الف شخص سيحصلون على تراخيص بالعمل اي بزيادة 12 الفا عن العام 2016، بحسب ارقام وزارة الهجرة.

بالنسبة الى اللاجئين، من المقرر ان تستقبل كندا 40 الفا منهم العام المقبل اي بتراجع 16 الفا عن 2016، و84 الفا (بزيادة اربعة الاف) في اطار لم شمل الاسر.

تجربتي في أفريقيا .. أخطاء كارتية و نصائح للمقبلين على السفر إليها -الجزء 3-

الجزء التالت والأخير للرحلة الكارتية للأفريقيا :

​مشيت رجعت للمحطة سولت على الترانسبور لي كايدي لروصو لقيت واحد قال ليا نديك تال الفيلاج لي قريب أو من بعد كمل بالكار . مشيت ركبت معاه مشينا لداك الفيلاج لقيت الكار يالله خارج ركبت معاه او كانت الطريق طويلة او الكار غادي ها بشوية 

حيت الطريق محفرة أنا داني النعاس بالليل فاش فقت لقيت الساعة وصلت للسبعة دالصباح مشيت سولت الشيفور واش روصو باقا بعيدة قال ليا راه فتناها ههههههه هادي كارتة ماحدها تقاقي أو هي تزيد فالبيض 

هبطت أو تميت راجع فالطريق كنا فتناها بـ 25 كيلومتر قلت ماشي مشكل المهم قربت بقيت نشير وقف ليا واحد مول الطوموبيل قال ليا فين غادي قلت ليه روصو قال ليا غادي ندوز من واحد الفيلاج نخلي فيه شي سلعة من بعد نديك لروصو 

هيا هاديك مشا قدا الغراض ديالو من بعد وصلني ركبو معانا شي بنات او واحد الراجل تا هما غادين تما 

فالطريق دزنا على واحد الحاجز كان عامر بالبوليس قريب لروصو جاو عندي نيشان قالو ليا الباسبور عطيتهوم باسبور وأنا مخلوع إيحساب ليا درت شيحاجا وأنا مافخباريش 

فاش شاف الباسبور ما عطاهش ليا عطاه للشيفور أو قال ليه دوزو لمركز الشرطة ( هيا عادية خدمتهم هاديك ) ولكن أنا تخلعت بقيت نترعد تا وصلنا للكوميسارية ديالهوم عيط الشيفور على البوليسي لي فالباب عطاه الباسبور 

عيط ليا البوليسي مشيت معاه للداخل دخانا للبيرو جبد الكاشي كاشا الباسبور أو عطاه ليا أو قال لي bon Route ههههه عاد مشات الخلعة شديت الباسبور مشيت دخلت للحدود ما مشيتش للبيرو د تسجيل الخروج حيت البوليسي كاشا ليا الباسبور 

ركبت الباطو لي كيقطع الواد قطعت للحدود الموريتانية وصلت مشيت باش نخرج من الباب وقفني واحد من الجمارك قاال ليا الباسبور فاش عطيتو الباسبور قال ليا نتا الفيزا لي عندك راه مابقات صالحة حيت خرجتي من موريتانيا خاصك تعاود وحدا خرا بـ 80 أورو 

أنا كنت عارف غادي يوقع ليا هكاك أو حيت ماعندي بغيت ها نخرج من تما تا ايلا وقفوني فالطريق ماغاديش ايردوني للحدود 

ولكن ولد الحرام شد الباسبور أو مابغاش إيطلقو مشا معايا للبيرو فين إيخلصو أو قال ليا تسنا تا إيعيط ليك البوليسي 

أنا ماعندي ريال أو الباسبور شادينو مشكلة هادي بقيت ندور تما على برا واحد شويا خرج البوليسي تايسول على حسن فاش شفتو مشيت عندو قال ليا زيد قاد القيزا قلت ليه راني تسرقت او ماعندي 80 أورو 

قال ليا شغلك هداك الا ماعندك الفيزا ماغادي تخرج من الباب بقيت نفكر أش ندير أش ندير رجعت بغيت نشد الباسبور باش نرجع للسينيغال ما بغا إيعطيه ليا ولد الحرام 

أنا كنت باغي نشد الباسبور أو غادي نلقا شي طريقة نخرج بيها من الباب فاش نخرج غادي نخبي الباسبور أو غادي نقول ليهوم فالطريق طاح ليا الباسبور بينمشي للسفارة فنواكشوط أو نعاود واحد أخر جديد 

ولكن هما ما بغاوش ايعطوني الباسبور 

بت الليلة الاولى تما فالحدود فالنهار التالي دخلو الكاميوات دالمغاربة مشيت عند واحد عاودت ليه المشكل قال ليا أودي حنا المغاربة راه مانفوتو خوتنا غادي نخبيك فالكاميو تا نخرجو من هنا ياك هاز معاك الباسبور قلت لا راه شادين ليا الباسبور 

قال ليا ماكانش عليك تعطيهوم الباسبور مشا يطلب واحد تما باش ايعطيني الباسبور قال ليه راه غادي ايرجع معايا للسينيغال مابغاش 

قال ليا سمح ليا ماعندي ماندير ليك تا ايلا وصلتك تال الحدود دالمغرب ماغاديش ايخلوك تدخل اوغادي تكرفص تما فقندهار .

هي هاديك مشا هو او قبل مايمشي عطاني شي فلوس باش ناكل شي حاجة او كنت انا فقمة التعاسة حيت لقيت راسي فشلت او ندمت فاش خرجت من الدار 

مشيت لواحد البلاصة ريحت فيها جاو واحد 3 مغاربة ريحو حدايا او بداو ايضحكو بيناتهم واحد شويا واحد فيهوم قال لي مغربي قلت ليه اه قال ليا اش جاي دير فهاد القفار يا ودي بوحدك 

عودت ليه شنو وقع ليا او بداو ها يتعجبو قال ليا شفتي أفريقيا باش خايبة نهار تحصل فيها ماعندك ما دير 

قال ليا واخا ماشي مشكل فاش تلاقينا كون هاني غادي نعاونوك مشا معايا عند واحد تايعرفو تما قال ليه جيب ليا الباسبور تاع الدري مشا جابو فالبلاصة ولد الحرام تايمشو ها باللعاقة .

قال ليا راه دبا غادي تخصك 80 أورو من غير المصاريف د الترانسبور من هنا تا المغرب  قال ليا تا ايلا جمعنا ليك الفلوس غادي تبقا اومبان فموريتانيا 

قلت ليه نديرو واحد الحل الا كان شي خوك فالمغرب نعيط لمالين الدار ايصيفتو ليا الفلوس او نتا عطيهوم ليا هنا قال ليا واخا او هز التيليفون عيط لنسيبو قال ليه راه غادي ايهضر معاك شي حد عطيه السمية ديالك باش ايصيفط ليك شي فلوس 

من بعد عطاني التيليفون عيطت لمالين الدار عطيتهوم النمرة ديال داك الراجل قلت ليهوم صيفطو ليه الفلوس دبا فـ وافا كاش من بعد ساعة عيط نسيب داك الراجل قال ليه راه وصلوني الفلوس 

قال ليا داك الراجل راه صيفتو ليه 3000 درهم أو عطاني هو 300 أورو أو قال ليا داكشي لي زايد من عندنا حنا نتعاونو معاك كان قرب الوقت فاش تايسدو الحدود قال ليا بلا ما تخرج دبا راه ما غادي تلقا لي يوصلك تال العاصمة 

بقا هنا معانا تال الصباح او خرج هيا هاديك بقيت معاهوم باالليل درنا العشاء تما دخلو واحد 3 دالكاميوات مغاربة بلاصاو فالصف لي شادين فيه النوبة جاو عندنا تا هما طيبو العشا او بقينا مجمعين او عاود ليهوم داك خونا لي عاوني المشكل ديالي 

فاللخر واحد كان من نفس المدينة او قال ليا كون هاني غادي تمشي معايا تال داركوم فرحت حيت ربي ماخيبني كنت غادي خارج ساعة الأقدار لاقاوني بهاد الراجل الله ايجازيه بالخير 

فالصباح توادعنا مع دوك الناس لي عاونوني حيت هما غادين تال غامبيا بجوج طوموبيلات كبار عامرين بالسلعة 

مشيت دخلت للبيرو عطيتهوم 80 أورو خرجت الفيزا أو خرجنا أنا وداك الراجل بالكاميو لبرا تسنا دوك جوج الاخرين تا خرجو او شدينا الطريق وصلنا نواكشوط وقفو تقداو شي حاجة او كملنا الطريق جيهت الحدود دالمغرب 

وقفتا فواحد البلاصة بالتلاتة دخلنا الفريكو ديال واحد الكاميو خاوي طيبنا فيه الطاجين او أتاي تا كلينا عاد شدينا تاني الطريق وصلنا الدخلة دالحدود الموريتانية مع 12 د الليل بلاصاو او تجمعنا تاني على العشا تا تعشينا او نعسنا فالصباح دخلنا سجلنا الخروج او من بعد قطعنا الصحراء ديال قندهار دخلنا الحدود دالمغرب 

داز داكشي بيخير او ماتهنيت تا كاشاو ليا الباسبور خرجنا أو كملنا الطريق تال أولاد تايمة وصلنا مع 2 د الليل كنت فقمة الفرح حيت قدرت نرجع للدار بسلام 

مشيت عند الشيفور وانا نبوس ليه راسو او جبدت 20 أورو كانت فجيبي نعطيها ليه ما بغاش قال ليا الله مانشد من عندك شي حاجة نتا قد ولدي او هادشي لي درت ليك على راسي او عينيا نتمنى ليك التوفيق او قال ليا شوف مرة خرا ماعمرك تفكر ترجع لأفريقيا 

راه عطا الله البلدان كاينا أسيا كاينة أوروبا تما تا الا بقيتي فيه اومبان مايبقا فيك الحال ضروري تلقا الحل اما أفريقيا راه السفارة براسها ماتعقل عليك 

عاودت بست ليه راسو او جيت للدار دخلت عليهوم لقيتهوم كاملين ايتسناوني فرحو بيا 

الحمد لله فواحد المرحلة فالحدود بكيت الدموع حيت لقيت راسي مادرت والو خططت ساعة كولشي فشل 

دبا راني قاديت المشكل دالبنك انا سديت الحساب أو عاودت واحد أخر جديد راني داير خطة إن شاء الله على حساب نسافر لهونغ كونغ العام الجاي او غادي ندير الإحتياط ديالي هاد المرة .

كنشكر أي واحد قرا هاد القصة او ستافد منها جميع التفاصيل حقيقية او راني صيفت معاهوم صور من جواز السفر للتأكيد أو بالنسبة للناس لي غادي إيسافرو للأفريقيا هادي بعض النصائح :

ما عمرك تعول على الكارط دالبنك حاول تصرف 5000 أولا 6000 درهم للأورو أوخبيها فشي بلاصة مابايناش باش تا إيلا وقع ليك لا قدر الله بحال المشكل ديالي قطع البيي د الطيارة او رجع لبلادك 

حاجة أخرى بالنسبة للسفارة ماتسنى ايعاونوك هما أصلا مامعتارفينش بالمغاربة فأفريقيا 

تانيا ما دير تيقة فتا واحد راه الأفارقة همهم الوحيد هما الفلوس 

شكرا لكم 

تجربتي في أفريقيا .. أخطاء كارتية و نصائح للمقبلين على السفر إليها -الجزء 2-

أنا رجعت ليكوم مع الجزء التاني من الرحلة ديالي فأفريقيا .

مهم فالجزء الأول عاودت ليكوم على العراقيل لي تعرضت ليها قبل ما نوصل للسينيغال أو أخر حاجة كانت فاش حبسوني على حساب ورقة التلقيح الدولي .

ولكن من بعد ما فكيت المشكل خلاوني ندوز مهم خرجت من البوابة أو كانت الطريق باقي بعيدة للعاصمة دكار مهم من البوابة خاصك تركب مع شي مول الموتور حيت تما دايرين الماتر بحال الطاكسيات  أولا كروسة 

ركبت مع مول الموتور داز من واحد الكاريان باين عليهوم الفقر المقفع ناس ساكنين ها تحت شي ميكة أو شي وحدين مفرشين ها فالأرض بلا غطا 

دازت 15 دقيقة وصلنا للمحطة الكبيرة فروصو .... هي كبيرة بزاف ولكن بدائية حيت فيها الطاكسيات هما الخطافة لي عندنا حنا شي طوموبيلات كاع مفرشخين سولت تما على الترانسبور ديال دكار أو لقيت واحد الطوموبيل بيتخرج نيت ركبت معاه أو كان التمن تقريبا شي 3500 فرنك سينيغالي تصورو الطوموبيل هي رونو 12 طويلة أو راكبين فيها 11 واحد أو خانزة الريحة فيها مع كاين الصهد زيد عليها شنيولة لي امرة بيها ديك المدينة خرجنا للطريق الكبيرة أو وقفونا فحاجز ديال العسكر طلو على الطوموبيل بنت ليهوم أنا لي بيض تما طلبو مني الباسبور عطيتهوم شافوه أو هما ايخلونا ندوزو . خرجنا للطريق الكبيرة أو وقفونا فحاجز ديال العسكر طلو على الطوموبيل بنت ليهوم أنا لي بيض تما طلبو مني الباسبور عطيتهوم شافوه أو هما ايخلونا ندوزو ​فالطريق قلت بلي صافي فت الجزء الصعب او الرحلة لي كنت نتخيلها هي هادي الغابات لي كنا ندوزو عليهوم أو الناس لي تنتلاقاوهوم فالطريق أو الجو الإستوائي كاتحس براسك فعالم أخر أو منقدر نوصف ليكوم الشعور ديالي أوقفنا فواحد البلاصة أو قال لينا الشيفور رتاحو شويا أو حركو رجليكوم واحد 30 دقيقة داكشي نيت لي كنت بغيت حيت كنت ها مقرد فاللور خرجنا أو دارو بينا العيلات شي هاز المانجا أو شي وحدين هازين شي فاكهة أول مرة نشوفها دراري الصغار مادين إيديهوم إيطلبو مشيت أنا ندور فديك البلاصة شويا مشيت نشري قرعة دلما لقيتهوم ماتيبيعو القراعي حيت هما الماء عندهوم دايرينو فالساشي بحال الحليب أو رخيص بزاف ساشي فيه 1 لتر بـ نصف درهم أي 0.50 ولكن الماء عادي أو ماشي صحي من الأحسن الواحد إيتسنا تال العاصمة تما كاين سلعة مزيانا شريت كارطا ديال التيليفون SIM بـــ 1000 فرنك أو رجعت للطوموبيل بدينا نقربو شويا بشويا . فاش أوصلنا تما بالليل كانت المحطة خارجة على العاصمة بشي 10 كيلومتر أو كانت كبيرة بزاف أو عامرة بحال المحطة د اولاد زيان شديت طاكسي قال ليا فين غادي أنا مكنتش محدد فالوجهة من قبل أو قلت ليه إيديني للسفارة المغربية حيت كانو الأوضاع شويا متوترة بسبب مشاكل سياسية بين المعارضة او الحكومة السينيغالية داكشي علاش بغيت نكون قريب للسفارة . وصلنا للبلاصة أو كان تما راقي حيت فيه ها السفارات أو القنصليات مشيت نقلب على شي فندق قريب تما لقيت واحد فندق قريب للسفارة أو نقي بــ 25000 فرنك سينيغالي تقريبا شي 400 درهم مغربي خلصت فيه يومين أو طلعت دوشت او نعست حيت كنت عيان فالصباح سمعت الدقان فالباب حليت لقيتهوم جايبين ليا الفطور تال البيت زعما عندهوم الخدمة مريـGــلة فطرت أو هزيت لباسبور أو الوتائق المهمين أو هبطت للتحت ضربت ضويرة باش نشوف الفندق كيداير من بعد خرجت للمدينة كانت بالنهار تبان فشكل أخر واخا داكشي لي كانسمعو على السينيغال هي مطورة بزاف العاصمة بانت ليا حسن من الدارالبيضاء فالبنية التحتية أو جميع الجنسيات كاينين تما بمجرد أنك تمشا فالشارع تاتعرف على أصدقاء تعرفت على ناس من تونس دايرين مشاريع ديالهوم تما أو مغاربة أو صينيين مسييرين الميناء الدولي لي هو أقرب للميناء فطنجة المهم هي أشبه بملتقى التقافات رجعت للفندق هزيت التابليت هبطت للصالون باش نتكونيكطا أو نخطط للرحلة الجاية لي غادي تكون من دكار لــ غامبيا حيت الويفي فالطابق الرابع كان قليل كانت طاحت عليا واحد الفكرة أنني نشد الطيارة من دكار مباشرة للعاصمة ديال غامبيا أو تمنيت كون درت هكاك ماكنتش غادي نتكرفص لقيت الطيارة كانت خارجة من بعد يومين بــ 216 دولار كانت رخيصة ولكن أنا قررت نغامر هنا كانت الكارتة مهم خرجت من الفندق أو شديت طوبيس من داكار لمدينة KAOLACK تقريبا شي 5 ساعات ديال الطريق وصلت او كان قرب المغرب مشيت لواحد فندق رخيص ديال واحد العائلة كانو ساكنين فيه تا هما بت فيه الليلة فالصباح خرجت باش نكمل لمدينة KARANG على الحدود مع غامبيا فاش وصلنا مشيت لواحد القهوة ريحت فيا ناكل شي حاجة كليت من بعد مشيت لواحد البنك كاين حدا الباب دالحدود باش نتيري شي فلوس للإحتياط باش مانبقا أومبان تيريت 50 أورو أو مشيت دخلت للحدود مع غامبيا كان تما عامر أو بنادم شي لاصق فشي كولشي بغا يسبق الغوات او الصداع أو البوليس تايبقا يسب فبنادم دخلت للبيرو فاش كيسجلو الخروج عطيتهوم الباسبور سولوني نفس الأسئلة الروتينية فين غادي أش بيدير مهم جاوبتهم أو كاشاو ليا الخروج أو تميت خارج وصلت عند الجمارك أو قبل ماندخل عندهوم قلت معا راسي علاس مانحسب الفلوس لي عندي باش ما يوقع ليا نفس المشكل لي وقع فروصو بغيت نجبد البزطام نشوف أش فيه وانا نتسمر فبلاصتي البزطام مالقيتو فالجيب قلبت الصاك تا هو والو ناري أش هاد الموصيبة عاودت قلبت حوايجي كاملين والو صافي فشلت كاع ليكارط دالبنك أو البيي د الطيارة من غامبيا لـ ليبيريا كولشي مشا الباسبور بوحدو هو لي بقا ليا أو ديك 50 أورو لي تيريت او شي حاجة كانت فجيبي رجعت لمكتب تسجيل الخروج باش نشوف ياك ما نسيتو تما قالو ليا لا او سولوني واش كان معايا فاش دخلت قلت ليهوم اه واخا مامتأكد قالو ليا شنو لي فيه جاوبتهم او قالو ليا الا داه شي حد الداخل هنا اة مالقا فيه فلوس غادي الوحو فشي بلاصة ولكن أنا كنت خايف على ليكارط دالبنك هما الأفارقة معروف عليهوم النصب والقرصنة دازت ساعة وأنا ندور تما والو مابانت تا حاجة مشيت رجعت للبيرو طلبت منهوم نرجع ندخل حيت فايت طبعو ليا الباسبور فيه الخروج قالي ليا واحد فيهوم ماشي مشكل أصلا مازال ما دخلتي لغامبيا رجعت للفندق هزيت التابليت دخلت للحساب ديالي فـ bmce حبست كاع ليكارط بحكم أنهم تسرقو أو دخلت للحساب ديالي فالبايبال حدفت منو ليكارط أو تاصلت بالرقم الأخضر ديال البنك بلغتهوم أو عاودت لعائلتي تا هي أش أوقع . ماكنتش عارف أش ندير ديك الساعة فاش ندمت علاش مامشيت فالطيارة من قبل أو أصلا الخظأ ديالي أنا حيت جمعت ليكارط كاملين فبلاصة وحدة بالليل تاصلت بعائلتي طلبت منهوم إصيفتو ليا فالصباح 4000 درهم فـ western union باش نقطع فالطيارة للمغرب فالصباح فاش مشاو للبنك باش إيصيفطو قالو ليهوم ممنوع علينا نصيفطو الفلوس من المغرب لبعض الدول الأفريقية ماصدقتش أو تاصلت بالبنك أو قالو ليا راه جميع مؤسسات تحويل الأموال ممنوع عليها تحول الفلوس لأفريقيا من غير الطلبة لي مسجلين فالسفارة المغربية ناري على كارتة كان خاصني نسول على هادشي قبل ماندير هاد المغامرة قلت لمالين دار صافي خلو داكشي تا نمشي للعاصمة او ايحن الله ركبت للعاصمة فاش وصلت مشيت للسفارة دخلت فالإستقبال لقيت واحد البنت سينيغالية قلت ليها أش أوقع قالت ليا تسنا أو كانت السفارة خاوية واحد شويا دخلات واحد المرة مغربية كانت باغا تشوف السفير جات جلسات حدايا قالت ليا مغربي قلت ليها اه أو قالت لي ياك لاباس شنو خاصك فالسفارة هنا عاودت ليها شنو وقع قالت ليا مشكلة هادي او قالت ليا محال ايعاونوك هادو حيت ها الطلبة لي كيعطوهم الحق فتحويل الأموال واحد شويا دخل السفير داز حدانا شويا رجع سول ديك المرا علاش جات قالت ليه على حساب شي وراق ديال شي شركة صيفتها عند واحد الموظف أو سولني أنا أش بيت عاودت ليه المشكل او قلت ليه باغي شي حل باش ايمكن لمالين الدار ايحولو ليا الفلوس قال ليا مايمكن خاصنا شحال تاع الوتائق أو هادشي خاص بالطلبة قلت ليه ها شوف أي حل المهم ها مانبقا فهاد البلاد أو هو ايتبدل فالبلاصة او كايغوط واش بغيتي نعطيك فلوسي راه قلنا ليك لا هي لا كنت واحد اللحظة باغي نسبو أو نخرج ولكن مابغيت نزيد مشكل على مشكل خرجت بلا ما نجاوبو ريحت على برا او انا صافي فشلت تاصلت بمالين الدار قلت ليهوم أش كاين تا هما تصدمو او خافو عليا ولكن ماكاين تا حل .. ( المشكلة كان واحد الحل ولكن مع الخلعة أو الصدمة تا واحد ما فكر فيه لا أنا لا عائلتي هو إيقطعو ليا عائلتي البييى من المغرب او ايصيفتوه فالإميل ولكن كلنا نسينا هاد الحل ) تا من الفلوس مابقات عندي شي حاجة كتيرة فجيبي قررت نبيع التابليت أة التيليفون مشيت للسوق نقلب على شي حد لقيت واحد أو قال ليا نعطيك فيهوم 53000 فرنك تقريبا شي 900 درهم مغربي هادشي تايعني نخسر فيهوم 3000 درهم ولكن أنا ديك الساعة كنت باغي ها نرجع لبلادي مسحت داكشي لي فيهوم أو شديت فلوسي أو مشيت للمحطة ركبت للحدود مع موريتانيا بـ 5600 فرنك تعطل الكار بزاف شي 15 ساعة أو هو شاد الطريق فاش وصلت بانت ليا ديك البلاصة ماشي هيا لي كنت فيها فالاول فاش سولت لقيت راسي فمنطقة أخرى بعيدة على روصو بـ 300 كيلومتر هو داز من تما أو انا كنت ناعس واقيلا ولكن قال ليا واحد راه تا هنا كايقطعو منو لموريتانيا مشيت ركبت مع مول الموتور بـ 500 فرنك تا الواد لي كيقطعو منو لقيت واحد البيرو صغير فيه بوليسي قال ليا فين غادي قلت ليه موريتانيا بقا يشوف الباسبور أو باينا عليه أول مرة تايشوفو عيط على صاحبو بدا يوريه الباسبور حيت ديك البلاصة ماكايدوزو منها لا طوموبيلات لا كاميوات فيها ها الفلايك تيقطعو بيهوم السينيغاليين سولني قال ليا واش الباسبور ديال فين قلت ليه المغرب قال ليا عطيني البطاقة الوطنية هنا عرفتو أول مرة يشوف الباسبور المغربي حيت لاكارط ممنوع إيسولك عليها شي واحد فشي بلاد أخرى أنا حيت لاكارط مشات مع البزطام قلت ليه ماجبتها معايا .. تما قال ليا سير لمدينة روصو تما فين غادي دوز . ناري 300 كيلومتر أش جا يصبر ليها تاني .. الخاتمة غادي نكتبها بوحدها باش ما نطول عليكوم حيت باقي بزاف دالكوارت شكرا لجميع من قرأ القصة باش تستافدو منها لعل فيها بعض النصائح لمن قرر القيام بمتل هده المغامرة /span>

تجربتي في أفريقيا .. أخطاء كارتية و نصائح للمقبلين على السفر إليها -الجزء الأول-

السلام عليكم 

أنا سميتي حسن من مدينة أولاد تايمة 

​بغيت نشارك معاكوم التجربة ديالي فالهجرة نحو بلدان أفريقية بغرض السياحة 

فالبداية خاصكوم تعرفو بلي أنا من المتتبعين ديال المدونة 

عائلتي عارفا عليا بلي مغامر أو عزيز عليا ندير داكشي لي كولشي تايخاف منو مهم فالبداية ديال 2016 قررت أنني ندير رحلة العمر لي حياتي كاملة أو أنا تانحلم بها .

الجزء الأول من الرحلة كان عبر الرحلات البرية من المغرب في إتجاه موريتانيا تم السنغال تم غامبيا 

او الجزء التاني كان رحلات جوية من غامبيا في إتجاه ليبيريا تم ليبيريا في إتجاه كينيا .

المهم بديت نقاد الوتائق ديالي أو مشيت قاديت تأمين السفر من عند bmce bank بحكم أنني منخارط معاهوم كذلك طلبت منهم بطاقة إئتمانية دولية أو فغضون أسبوع وجدو ليا كولشي .

تأمين السفر كان لسنة 2016 و 2017 لأنني كنت معول إحتفالات رأس السنة 2017 ندوزها فكينيا قبل منرجع للمغرب 

عائلتي ما كانش عاجبهم الحال حيت غادي بوحدي أو بالخصوص ملي الوجهة ديالي هي أفريقيا نصحوني باش نتراجع ولكن حب المغامرة لي عندي هو لي خلاني نطمأنهم أو واعدتهم بلي غادي نتاصل بيهوم كل 5 ساعات .

سافرت للعاصمة الرباط باش ندير إستشارة مع القنصليات ديال البلدان لي غادي ليهوم طلب مني أسبوع باش نساليهوم 

قرب الشهر 6 أو هو موعد الإنطلاقة عاودت تأكدت من جميع الوتائق أو جهزت حقيبة ظهر فقط فيها 3 لبسات صافي لاأني مابغيت نتقل عليا وأنا غادي ها جوال بوحدي .

سكانيت جميع الوتائق أو البطاقات الإئتمانية أو جواز السفر او سجلت نسخة فكلي USB او نسخة محفوظة فالإيميل ديالي للإحتياط .

وصل الوقت أو توادعت مع العائلة ديالي بالدموع أو الله شاهد عليا خديت تاكسي من أولاد تايمة لمدينة أكادير بالظبط محطة الحافلات أو قطعت تدكرة لمدينة العيون كانت الحافلة غادي تخرج من بعد ساعتين تسنيت فالمحطة ملي وصل الوقت ركيت الحافلة كنت عيان شويا أو نعست .

وصلنا لمدينة العيون مع 6 د الصباح مشيت لفندق باش نرتاح شويا من السفر كان الفندق رخيص 60 درهم لليلة مهم بت ليلة من بعد قطعت فالكار لمدينة الداخلة وصلنا تاني مع الصباح عاودت تاني مشيت لفندق عندو إطلالة على البحر كان التمن ديالو غالي شويا مقارنة مع الأول 200 درهم .

بت ليلة وحدة أو مشيت نقلب على الترانسبور لي غادي للحدود المغربية مع موريتانيا 

قلبت تا عييت مالقيت والو أو الكار ديال ستيام كان خاصني نتسنا 3 أيام عاد إخرج ولكن أنا ما فيا لي إيتسنا خصوصا أن الداخلة معروفة بالبرد القارس أو الرياح لكونها شبه جزيرة .

مشيت بغيت نشد طاكسي كورسا طلب مني مولاها فالاول 400 درهم بديت نتاوا معاه تا قبل بـ 250 درهم مشينا خرجنا مع الظهر أنا أو هو بوحدنا كانت الطريق خاوية أو قليل فين نتلاقاو مع شي شاحنة عسكرية أو فبعض المناطق كانت الطريق مسدودة بالرمال 

صراحة كان المنظر خيالي مشاهدة الرمال الدهبية وهي تزحف على طول الطريق .

وصلنا للحدود مع 6 أو قال ليا مول الطاكسي بلي الحدود سادين خاصني نتسنا تال الصباح كنت مرتاح حيت أصلا كنت باغي نشوف المنطقة الحدودية كيفاش دايرا أو طلبت منو بعض النصائح لي خاصني نطبقها فاش نخرج بحكم أنه عارف مزيان المنطقة فاش سولني على الوجهة ديالي أو عاودت ليه مخطط الرحلة ماصدقش أو قال ليا بلي حياتو كاملة ماعمر سمع سي واحد بغا إيقوم برحلة بحال هادي .

عطاني بعض النصائح أو من ضمن النصائح كانت هي أنني مانتيق فتا واحد لأنه الأفارقة معروفين بحبهم للمال أو ندير الإحتياط ديالي من بعد توادعت معاه او رجع هو للداخلة أو قبل مايرجع مشا معايا عند واحد مول القهوة تما أو طلب منو مايفرط فيا قال ليه راه صديق ديالي . بقيت مريح فالقهوة شويا أو خرجت ندور بانو ليا الحدود شويا خاويين بعض الشاحنات فقط هي لي واقفا تسنا بالليل عيط عليا مول القهوة أو وراني واحد البيت قال ليا نعس هنا تال الصباح أو جاب ليا 2 مانطات أو قال ليا خود راحتك بلا ماتفيق بكري راه نتا غادي ها على رجليك . فعلا داكشي لي درت خرجت تا هضرت معا مالين الدار أو العائلة ديالي أو رجعت للبيت واحد شويا جا مول القهوة جاب واحد براد أتاي أو جلس فالبيت أو بدا يسول على الوجهة ديالي فاش عاودت ليه تا هو ستغرب ولكن بحكم أنه كبير فالسن أو دوز 20 سنة فالحدود عاود ليا على قصص عاشها تما فبعض الأحيان صعيب تصدقها كانت الجلسة معاه ممتعة .

فالصباح فقت معا 10 مشيت غسلت حالتي أو خرجت نطل أو أنا نلقا واحد الصف ديال الشاحنات طويل أو شحال تاع الصداع 

تصدمت هادشي كامل ماخليتو البارح مشيت هزيت حوايجي أو مشيت نتوادع مع مول القهوة أو طلب مني نصرف الفلوس للأورو قبل مانخرج على حساب الفيزا الموريتانية ( هادي كنت أنا نسيتها ) او طلب مني نزورو الى رجعت ولكن أنا فالمخطط ديالي غادي نرجع من كينيا فرحلة جوية ولكن واعدتو أنني غادي نرجع إنشاء الله .

مشيت صرفت الفلوس أو كان مايمكنش إيصرفو ليك كتر من 3000 درهم أو كيطلبو ليك الباسبور قبل ما يصرف من بعد مشيت للبوابة وقني الشرطي طلب مني جواز السفر أو كان مبتسم ( صراحة البعض فالحدود ما غادي ننسى طريقة التعامل ديالو ) سولني على الوجهة ديالي أو جاوبتو بالوجهة الأخيرة لي هي كينيا أو ستغرب كيفاش ندير أو عاودت ليه المخطط أو من بعد تمنى ليا التوفيق أو طلب مني هو الأخر الإحتياط أو وجهني لمكتب الشرطة باش إطالعو على السجل العدلي ياك ما مبحوت عليا فشي مدينة  

من بعد لمكتب تسجيل الخروج من بعد لمكتب الجمارك أو هنا غادي إيصعبو القضية أول سؤال هو فين غادي جاوبتهوم أو قالو ليا نتا كاتكدب مايمكنش تمشي هاد المسافة كاملة بوحدك أو هاد معاك كمية قليلة من الملابس أنا كنت عارف بلي هادا ها بروتوكول باش إلعبو ليا على الأعصاب ديالي أو كان الجواب ديالي هو كالتالي :

أنا مواطن مغربي أو ما خرجت هاد الباسبور باش نخبيه فالدار او الدول لي غادي ليها سبق ليا أو ستاشرتهم أو كولشي مريكل أو من الأخر أنا حر نمشي لأي بلاصة طالما ماعندي شي مدكرة بحت أو لا شي وتيقة ناقصة .

متا كانش عاجبهوم الحال على هاد الهضرة أو طلبو مني نخوي جيوبي من داكشي لي فيهوم أو قلبو الصاك ديالي لدرجة أن الجيوب لي فالسروال قلبوهوم كانو إيقلبو على أي حاجة ممكن إيشدوني بيها ولكن مالقاو والو هنا ضحكت واحد الضحكة أو لاحو ليا الصاك ديالي جمعتو أو شديت الباسبور ديالي أو مشيت جيهت بوابة الخروج تما كانو عناصر  من الشرطة العسكرية أو الديستي أو الجيش عاودو تأكذوا من الوتائق ديالي من بعد حلو ليا الباب فاش خرجت كانت هادي بداية ديال رحلة العمر بين الحدود المغربية والموريتانية كاينا منطقة سميتها قندهار الصحراء أو ممتدة على طول 7 كيلومترات كانت أشبه بمنطقة حربية الطريق كانت وعرة أو السيارات المحروقة في كل مكان أو الأفارقة موجودين بكترة أو كاينين سيارات مازال جداد بدون لوحت ترقيم .

تما باش توصل تال الحدود الموريتانية خاصك تركب مع خطاف موريتاني بمبلغ 500 أوقية ( حوالي 13 درهم مغربي ) ماشي مبلغ غالي حيت الفلوس طايحين بزاف تما ولكن المرة الأولى ضروري تصيد مشيت وصلت الحدود دخلت لمكتب تسجيل الدخول لقيت 2 بلبسة العسكر كان المكتب قديم أو عامر بالتراب أو كانو حاطين حدا الباب 2 أسلحة من نوع الكلاشينكوف باينين ماعمرهوم تستعملوا حيت عامرين بالغبار . طلب مني جواز السفر أو سولني شحال بينبقا جاوبتهوم بلي غادي ها ندوز من العاصمة أو طلب مني 80 أورو على حساب الفيزا خلصتو أو طلب مني نجلس قدام الكاميرا باش إيصورني أو خرج الفيزا فالبلاصة لصقها فالباسبور ( غادي نشارك معاكوم الصورة دالفيزا للتأكيد ) أو صيفتني لمكتب الجمارك تما ماشي بحال المغرب قال ليا واش هاز معاك شي حاجا ممنوعة قلت ليه لا صافي طبع الباسبور أو قال ليا طريق السلامة .

خرجت شريت بطاقة سيم للهاتف بملغ 400 أوقية ( حوالي 10 دراهم مغربية ) من نوع موريتيل 3G أو مشيت عند واحد الخطاف سولتو شحال يوصلني تال العاصمة نواكشوط قال ليا 3500 أوقية ( حوالي 95 درهم مغربي ) المبلغ ماشي غالي مقارنة بالمسافة لي كتبلغ كتر من 500 كيلومتر ركبت معاه أو كنت أنا بوحدي كان مشارجي سلع مغربية فيها سكر أو دقيق أو الزيت 

الطريق كانت طويلة أو خاوية ولكن الفرق بينها أو بين المغرب هو أنه كل 5 كيلومتر كاين حاجز للدرك الوطني أو كل حاجز خاص تعطيهوم الباسبور باش إيشوفوه وصلنا من بعد 7 ساعات ديال الطريق للعاصمة نواكشوط أو فالحي لي حطني فيه كانو فيه الأارقة من جميع الجنسيات أو محال واش إبان ليك شي حد موريتاني لقيت صعوبة فالتواصل معاهوم لكونهم يتكلمو بالحسانية أو قليل لي كايفهم الفرنسية ديالنا حنا 

مهم مشيت نقلب على شي فندق لقيت واحد الفندق 3 نجوم بالإستعانة بموقع booking.com بمبلغ 10000 أوقية لليلة ( حوالي 270 درهم ) بت فيه 3 أيام كتاشفت خلالها العاصمة الموريتانية أو تعرفت على العديد من الاصدقاء فهاد المدة القصيرة .

من بعد ما دازت المدة مشيت قطعت تدكرة للحدود الموريتانية مع السنغال بمبلغ 5000 أوقية ( حوالي 136 درهم مغربي ) خرجنا مع الفجر او كانو نص ديال الركاب تقريبا سينيغاليين الشيفور كان موريتاني او كان ضحوكي عزيز عليه إيضحك الناس وصلنا من بعد 6 سوايع ديال الضحك او النشاط للمدينة روسو لي كانت عبارة عن مدينة كبيرة قاسمها الواد النص كان ديال موريتانيا أو النص ديال السنغال تما درت أول غلط فالدخلة عند الجمارك الموريتانية طلبو مني الباسبور عطيتو ليهوم أو سولوني على الوجهة قلت ليهوم داكار أو سولوني ياك ما هاز شي حاجة ممنوعة  قلت ليهوم لا وطلب مني نصرح بكمية المال لي هاز معايا أنا فاش جاوبتهوم نسيت ماحسبت 50 أورو + 500 درهم كنت مخبيهوم للإحتياط فاش بداو إيفتشو لقاوهوم أو قالو ليا أنا تانكدب عليهوم هادشي خلاهوم إيقلبو الصاك بالكامل او الجيوب ديال السروال كاملين فالأخير  قالو ليا بلي غادي إيصادرو الفلوس لي ماصرحت بيهوم أنا تصدمت أقلت ليهوم بلي هادي ماكاينا فالقانون أو قال ليا بلي القانون عندنا فبلادنا ماشي هو القانون ديالكوم أو صدقت خاسر ما يقارب 38500 أوقية مبلغ كبير بالنسبة ليهوم .

قلت ماشي مشكل ضروري يوقعوا ليا بعض المشاكل فأول مرة .

من بعد ما ساليت الإجراء ديال الجمارك خاصني نقطع الواد أو كاينين 2 باخرات خدامين حيت الواد كبير بزاف الباخرة كانت كاتهز شاحنات كبار أو طوموبيلات أو الناس تا هما كتستغرق 30 دقيقة باش تقطع الواد ( نصيحة : نتمنى أي واحد إيعتمد على راسو أو ما يطلب من شي سينيغالي أولا موريتاني إيتكلف ليه )

فاش كاتوصل للجمارك السنغالية كاتحط الباسبور عند مكتب التسجيل أو تسنا على برا تا يعيطو عليك أو حيت لقيت تما عامر طلب مني الوقت 3 ساعات باش نعاود نشد الباسبور

واحد الملاحظة : تما فالسينيغال مايسوق ليك تا واحد أش هاز الجمارك ماتايفتشوك ما والو 

شديت الباسبور أو مشيت جيهت البوبة باش نخرج وقفني عنصر من الشرطة أو طلب منيي وتيقة التلقيح الدولي ( وتيقة التلقيح الدولي كيطلبوها جميع الدول الأفريقية بحكم أن الأجانب عرضة للإصابة بالأمراض )

أنا ماكنتش عارف هاد القضية واخا كان نصحني بيها موظف فالبنك طلبت منو إيتساهل معايا ولكن كان قاسح أو قال ليا بكل بساطة Retour à votre pays بقيت مزير معاه أو قلت ليه بلي عندي تأمين على السفر أو فيه كولشي واخا أنا ها تنكدب ولكن جبدت ليه نسخة من التأمين كنت طلبتها من البنك باللغة الإنجليزية أو عطيتها ليه هو بقا يشوف فيها مافهم والو أو عطاها لواحد صاحبو من بعد عيط ليا طلب مني 1000 فرنك سينيغالي ( حوالي 20 درهم مغربي ) أو خلاني ندوز 

سمحلو ليا عييت من الكتبة غادي نكتب الجزء التاني الأسوأ لي وقع ليا فالسنغال من بعد .

5 أسباب وراء هوس العالم بتايلاند Thailand

تعتبر تايلاند واحدة من أجمل الدول التي قد تقع عليها عيناك، مجرد النظر إليها يجعلك تظن أنها ليست سوى قطعة وقعت من الجنة، لم يزرها بشري قط.

تقع تايلاند جنوب شرق آسيا وتنقسم إلى 75 محافظة، يصل تعداد سكانها إلى 66 مليون نسمة، أما عن عاصمتها بانكوك فقد صُنفت عام 2013 بأنها المدينة الأكثر زيارة على وجه الأرض.

هذه الإحصائيات لم تضع بعين الاعتبار بقية أجزاء ومحافظات تايلاند والتي لا تقل جمالاً عن بانكوك هي الأخرى بل تضاهيها روعة.

ولكن ما الشيء المميز إلى هذه الدرجة بها خصيصاً دوناً عن أي دولة أخرى في العالم ؟ ما السبب وراء تهافت السياح من جميع أنحاء العالم إليها ؟

في الواقع إنها مجموعة من الأشياء المميزة والتي إذا عرفتها أنت أيضاً فربما تكون غداً على متن أول طائرة متجهة إلى تايلاند !

1- الشواطىء,,

تمتاز تايلاند بمجموعة من الشواطىء التي تعتبر من أفضل شواطىء العالم ذات الرمال البيضاء الناعمة، وعادةً ما تكون مياهها زرقاء نقية ودافئة، وهذا يجعلها مثالية للسباحة.

2- الثقافة التايلاندية,,

معروف عن الشعب التايلاندي أنه الشعب الأكثر وداً وبشاشة، بالإضافة إلى كونه متفاهماً جداً مع السياح على الرغم من عدم إتقانه للغة الإنجليزية جيداً، فهم بالكاد يعرفونها، حيث تُدرَّس اللغة الإنجليزية كلغة ثانية في المدارس الثانوية والجامعات.

95% من سكان تايلاند يتبعون الديانة البوذية، وتأثير ذلك يظهر جلياً في كل مكان بدايةً من المعابد الضخمة انتهاءً إلى الرهبان الوقورين.

أما ثاني أكبر ديانة في تايلاند بعد البوذية هي الديانة الإسلامية، حيث تمثل 3.8% من إجمالي السكان، تليها المسيحية تليها الهندوسية.

3- يسيرة التكلفة,,

وهذه واحدة من أهم مميزات تايلاند  فليس من العسير السفر إليها وهي لا تكلف أموالاً طائلة لا تستطيع تحملها، حيث أن سعر الصرف بتايلاند ملائم للغاية مما يعني أن الكثير يستطيع تحمل جميع أنواع الجولات، من حيث الطعام والإقامة.

وإليك المفاجأة الأفضل; يمكنك شراء أي شيء يمكنك تخيله من كبرى مراكز التسوق بتايلاند وبأسعار رخيصة للغاية، فهي تكاد تكون لا تكلف شيئاً هناك إذا قارنتها بأسعار أي دولة أخرى، لذلك تأكد من أنك لن تسافر بحقيبة واحدة فقط لأنك حتماً عند العودة ستحتاج إلى المزيد !

أما عن الطعام فإنه رائع، لذيذ وفاخر ومع ذلك فإنك لن تحتاج إلى أكثر من دولارين للوجبة الواحدة.

والرائع في الأمر أنه يمكنك الإقامة بمنتجع فاخر إذا أردت مقابل 20 دولاراً لليلة، ويمكنك أيضاً الإقامة بجزيرتك الخاصة والتي لا يمكن الوصول إليها إلا عبر الزورق وكل ذلك مقابل 25 دولاراً فقط !

ولهذا مهما كانت ميزانيتك لهذه الرحلة فإنك دائماً ما ستجد في تايلاند ما يتناسب مع هذه الميزانية.

4- الحيوانات البرية,,

هل هناك من لا يريد اللعب مع القرود وركوب الأفيال ؟! هذه التجارب لا تتوافر فقط، وإنما تشيع بشكل لا يصدق في جميع أنحاء تايلاند.

5- آمنة نسبياً,,

يعرف الجميع عن تايلاند أنها آمنة، سواء إذا كنت تشق طريقك عبر الغابات أو تتسوق في أحد مراكز التسوق ببانكوك، فإنك لن تقلق من أي أخطار يمكن أن تعترض طريقك.

حيث أن تايلاند تتميز بكثير من التطور والحداثة، إلا أن هناك قرى لم يمسها التطور وقد تمثل خطراً ولذلك لا يُسمح بالذهاب إليها أو استكشافها إلا بواسطة السكان المحليين وعادةً ما يكون الجزء الشمالي من المدينة أقل تطوراً من الجزء الجنوبي.

قد تتسائل، ما هو أفضل وقت للسفر إلى تايلاند خلال السنة ؟

يمكنني أن أخبرك بأنك يمكن أن تسافر خلال الطقس الذي تفضله، فتايلاند يتنوع بها الطقس، إذا كنت تفضل المناخ الصيفي فإنها تكون استوائية دافئة من منتصف شهر مايو إلى شهر سبتمبر، أما إذا كنت تفضل الطقس البارد والمناخ الشتوي فيمكنك أن تسافر خلال شهر نوفمبر إلى منتصف شهر مارس للعام الذي يليه، أما الجزء الجنوبي من المدينة فدائماً ما يكون حار ورطب.

7 اسباب تجعلك تزور كوكب اليابان

اليابان  تعتبر من اجمل الدول حول العالم من ناحية المظاهر الطبيعية و العادات بين شعبها وستحب اليابان اكثر بعد معرفة عدة اشياء عنها:

 
1- دولة اليابان هي دولة في غاية النظام من شعبها و اي شخص ياتي اليها حتى اذا كانت اول مرة له ينبهر من نظام شعبها و نظافتهم لبلادهم بشئ غير طبيعي.

2- اليابان تقترب كل عام اكثر من الاخر الى ان تكون هي الدولة العظمى مكان الولايات المتحدة الامريكية .

3- في اليابان يجعلون  الاطفال في المدارس ينظفوها كل يوم لمدة ربع ساعة مع المدرسين ليتعلموا التواضع و لايهملون حياتهم و ينظفوا من حولهم في اي مكان يذهبوا اليه.

4- اليابان مشهورة بالقنبلة النووية التي دمرت الملايين من المنازل و سقوط العديد من الضحاية وسقوط اليابان في الاقتصاد و افلست لكن شعبها تكاتف بع بعضه و صنع معجزة يتحدث عنها العالم الى الان و سوف يتحدث عنها الى الابد وهي ان شعب اليابان عاد بببلده من تحت الصفر الى بلد تاخذ جوائز في التكنولوجيا و اصبحت دولة غنية ومرشحة لان تصبح دولة عظمة
      
 5 - تعتبر اليابان من اكبر دول العالم من حيث التعداد السكاني حيث يبلغ عدد السكان في اليابان 127000000 نسمة تقريبا لاكن هي تستفاد من هذا العدد الضخم من سكانها في تعليمهم تعليم متميز و مراعاتهم و هم صغار الى ان يكبروا وتقريبا معظم اليبانيين و الذي هم في عمر الشباب يكون له مشروع ويتم الاعتماد على نفسه و يترقه عائلته ليعيش في منزل وحيد ليعتمد على نفسه و عندمة يكبر المشروع الصغير الخاص به يكبر ويظل يعتمد على نفسه و لهذا اليابان تعتبر افضل دولة في التعليم , و ايضا في التكنولوجيا و اليابان تعتبر اكتر دولة تكنولوجيا في العالم.

6 - معدل البطالة في اليابان منخفض جدا او شبه منعدم لان الدولة تهتم باطفالها و شبابها ثم الدولة تعتمد على شبابها رغم ان كل عام تقريبا يضرب اليابان اعصار "تسونامي" و فيضانات و مدن تدمر بشكل كامل بمنازلها و شركاتها , ويعتبر هذا الفيضان و الاعصار "تسونامي" , هو الشئ الوحيد الذي يقف امام الشباب و شعب اليابان في كل عام ويزيد من نسبة البطالة في البلد , ولكن الشعب يتعاون ويبني البلد مرة اخرى و تعود نسبة البطالة مرة اخرى الى الانعدام تماما.

7 - هم ايضا المصنعين الاصليين لاكلة "السوشي" المعروفة في العالم كله , وهم  سجلوا في موسوعة غينيس العالمية للارقام القياسية , في اكلة السوشي وقامو بشراء سمكة كبيرة جدا وزنها 230 كيلو جرام ثمنها باهظ جدا  83.500 الف دولار وصنعوا من هذه السمكة البالغ وزنها 230 كيلو جرام 2.500 قطعة سوشي من سمكة واحدة , القطعة الواحدة من ال 2.500 قطعة كلفتهم 75 دولار اي  كلفتهم اجمالي السمكة و قطع السوشي مبلغ كبير جدا وهو 180.000 الف دولار ولهذا سجلوا في الموسوعة  العالمية .

  
اذن بعد كل هذه الاشياء الرائعة , فا دولة اليابان تستحق فعلا ان تكون الدولة العظمى و اذا تحكمت هي في العالم بسياستهة الحازمة و الرائعة في رؤيتها لمستقبلها سوف يستفيد منها العالم اجمع , و اتمنى من وطننى العربي ان يكون مثل اليابان حتى في شئ واحد وهو التعاون في بناء الوطن , فا اليابان هي فعلا كما يقال عنها , هي كوكب يعيش فيه كائنات غريبة عن العالم , أنه كوكب اليابان. 

7 أسباب تجعلك تنتقل إلى ماليزيا

7 أسباب تجعلك تنتقل إلى ماليزيا

الإنتقال إلى بلد آخر ليس بالأمر السهل أبدًا، فقد يكون من الشاق التعود على ثقافة ولغة جديدة وطقس ونظام مختلف بالإضافة إلى طعام جديد لم تتعود عليه. فإذا كنت قد انتقلت إلى هذه الجنة الإستوائية، فهنيئًا لك على اتخاذ هذه الخطوة الحكيمة. أما إذا لم تقرر بعد إن كنت تود الإنتقال إلى هنا ولازلت تفكر في الأمر، فمن الافضل لك الإطلاع على هذا المقال، إذ قمنا بإعداد قائمة لأفضل 10 أسباب تجعلك تتنتقل إلى ماليزيا.

1- الإستقرار السياسي والإقتصادي

شهدت ماليزيا كدولة العديد من السنوات التي اتسمت بالإستقرار السياسي والإقتصادي. كما أنه من غيرالمتوقع أن تتعرض إلى ركود إقتصادي شديد على الرغم من الظروف الإقتصادية الراهنة التي يعاني منها العالم.

2- البنية الأساسية

تمتلك ماليزيا بنية تحتية جيدة يتم تحسينها باستمرار، إذ أنها تحتوي على مطار من الطراز العالمي وعاصمة حديثة و طرق ممتازة كذلك.  هذا بالإضافة إلى أن لديها إلتزامًا شديدًا لتصبح مركزًا رائدًا في مجال تكنولوجيا المعلومات بالمنطقة.

3- العقارات

يمكن للأجانب شراء منازل سكنية بالعدد الذي يريدون حتى وإن كانت بنظام التملك الحر والتي يفوق سعرها 500.000 رينغيت ماليزي، كما أنه من الممكن الحصول على قرض محلي . ليس هذا فقط، بل يمكن لبعض الشركات أن ترتب لك إيجارات قصيرة الأمد وتقوم بالعناية بمنزلك في حالة ما إن كنت بعيدًا عنه.

4- السلامة والصحة

معدل الجرائم في ماليزيا أقل بكثير من معظم الدول الغربية الأخرى. كما أن الخدمات الصحية المتوفرة بها  ذات كفاءة عالية هذا بالإضافة إلى أن المستشقيات الخاصة تقدم علاجات من الطراز العالمي بتكلفة أقل بكثير مقارنة بالدول الاخرى.

5- الجمال الطبيعي

ماليزيا من إحدى الدول ذات الكثافة السكانية الأكثر انخفاضا في آسيا وتحتوي على العديد من الأرياف التي تستحق الإستكشاف من غابات وتلال وجزر استوائية،  أو يمكنك الإكتفاء بالإسترخاء فقط على الشواطيءالعديدة الموجودة . ماليزيا أيضًا تحتوي على ثروة هائلة من النباتات والحيوانات والحياة البرية.

6- الطعام

يتمتع معظم الأجانب بالمطبخ المحلي المالاي والصيني والهندي.كما أن هناك العديد من المطاعم التي تقدم أطباقا من مختلف أنحاء العالم.

7- الشعب واللغة

الماليزيون شعب ودي وحار،  ومعظمهم يجيدون التحدث باللغة الإنجليزية . إذ أنك لست بحاجة إلى تجعل نفسك تبدو وكأنك من أهل البلد، فكن متأكدا أنك لن تجد أي مشكل في الإستقرار وتكوين صداقات مهما كانت المنطقة التي أتيت منها.