تجربتي في أفريقيا .. أخطاء كارتية و نصائح للمقبلين على السفر إليها -الجزء 3-

الجزء التالت والأخير للرحلة الكارتية للأفريقيا :

​مشيت رجعت للمحطة سولت على الترانسبور لي كايدي لروصو لقيت واحد قال ليا نديك تال الفيلاج لي قريب أو من بعد كمل بالكار . مشيت ركبت معاه مشينا لداك الفيلاج لقيت الكار يالله خارج ركبت معاه او كانت الطريق طويلة او الكار غادي ها بشوية 

حيت الطريق محفرة أنا داني النعاس بالليل فاش فقت لقيت الساعة وصلت للسبعة دالصباح مشيت سولت الشيفور واش روصو باقا بعيدة قال ليا راه فتناها ههههههه هادي كارتة ماحدها تقاقي أو هي تزيد فالبيض 

هبطت أو تميت راجع فالطريق كنا فتناها بـ 25 كيلومتر قلت ماشي مشكل المهم قربت بقيت نشير وقف ليا واحد مول الطوموبيل قال ليا فين غادي قلت ليه روصو قال ليا غادي ندوز من واحد الفيلاج نخلي فيه شي سلعة من بعد نديك لروصو 

هيا هاديك مشا قدا الغراض ديالو من بعد وصلني ركبو معانا شي بنات او واحد الراجل تا هما غادين تما 

فالطريق دزنا على واحد الحاجز كان عامر بالبوليس قريب لروصو جاو عندي نيشان قالو ليا الباسبور عطيتهوم باسبور وأنا مخلوع إيحساب ليا درت شيحاجا وأنا مافخباريش 

فاش شاف الباسبور ما عطاهش ليا عطاه للشيفور أو قال ليه دوزو لمركز الشرطة ( هيا عادية خدمتهم هاديك ) ولكن أنا تخلعت بقيت نترعد تا وصلنا للكوميسارية ديالهوم عيط الشيفور على البوليسي لي فالباب عطاه الباسبور 

عيط ليا البوليسي مشيت معاه للداخل دخانا للبيرو جبد الكاشي كاشا الباسبور أو عطاه ليا أو قال لي bon Route ههههه عاد مشات الخلعة شديت الباسبور مشيت دخلت للحدود ما مشيتش للبيرو د تسجيل الخروج حيت البوليسي كاشا ليا الباسبور 

ركبت الباطو لي كيقطع الواد قطعت للحدود الموريتانية وصلت مشيت باش نخرج من الباب وقفني واحد من الجمارك قاال ليا الباسبور فاش عطيتو الباسبور قال ليا نتا الفيزا لي عندك راه مابقات صالحة حيت خرجتي من موريتانيا خاصك تعاود وحدا خرا بـ 80 أورو 

أنا كنت عارف غادي يوقع ليا هكاك أو حيت ماعندي بغيت ها نخرج من تما تا ايلا وقفوني فالطريق ماغاديش ايردوني للحدود 

ولكن ولد الحرام شد الباسبور أو مابغاش إيطلقو مشا معايا للبيرو فين إيخلصو أو قال ليا تسنا تا إيعيط ليك البوليسي 

أنا ماعندي ريال أو الباسبور شادينو مشكلة هادي بقيت ندور تما على برا واحد شويا خرج البوليسي تايسول على حسن فاش شفتو مشيت عندو قال ليا زيد قاد القيزا قلت ليه راني تسرقت او ماعندي 80 أورو 

قال ليا شغلك هداك الا ماعندك الفيزا ماغادي تخرج من الباب بقيت نفكر أش ندير أش ندير رجعت بغيت نشد الباسبور باش نرجع للسينيغال ما بغا إيعطيه ليا ولد الحرام 

أنا كنت باغي نشد الباسبور أو غادي نلقا شي طريقة نخرج بيها من الباب فاش نخرج غادي نخبي الباسبور أو غادي نقول ليهوم فالطريق طاح ليا الباسبور بينمشي للسفارة فنواكشوط أو نعاود واحد أخر جديد 

ولكن هما ما بغاوش ايعطوني الباسبور 

بت الليلة الاولى تما فالحدود فالنهار التالي دخلو الكاميوات دالمغاربة مشيت عند واحد عاودت ليه المشكل قال ليا أودي حنا المغاربة راه مانفوتو خوتنا غادي نخبيك فالكاميو تا نخرجو من هنا ياك هاز معاك الباسبور قلت لا راه شادين ليا الباسبور 

قال ليا ماكانش عليك تعطيهوم الباسبور مشا يطلب واحد تما باش ايعطيني الباسبور قال ليه راه غادي ايرجع معايا للسينيغال مابغاش 

قال ليا سمح ليا ماعندي ماندير ليك تا ايلا وصلتك تال الحدود دالمغرب ماغاديش ايخلوك تدخل اوغادي تكرفص تما فقندهار .

هي هاديك مشا هو او قبل مايمشي عطاني شي فلوس باش ناكل شي حاجة او كنت انا فقمة التعاسة حيت لقيت راسي فشلت او ندمت فاش خرجت من الدار 

مشيت لواحد البلاصة ريحت فيها جاو واحد 3 مغاربة ريحو حدايا او بداو ايضحكو بيناتهم واحد شويا واحد فيهوم قال لي مغربي قلت ليه اه قال ليا اش جاي دير فهاد القفار يا ودي بوحدك 

عودت ليه شنو وقع ليا او بداو ها يتعجبو قال ليا شفتي أفريقيا باش خايبة نهار تحصل فيها ماعندك ما دير 

قال ليا واخا ماشي مشكل فاش تلاقينا كون هاني غادي نعاونوك مشا معايا عند واحد تايعرفو تما قال ليه جيب ليا الباسبور تاع الدري مشا جابو فالبلاصة ولد الحرام تايمشو ها باللعاقة .

قال ليا راه دبا غادي تخصك 80 أورو من غير المصاريف د الترانسبور من هنا تا المغرب  قال ليا تا ايلا جمعنا ليك الفلوس غادي تبقا اومبان فموريتانيا 

قلت ليه نديرو واحد الحل الا كان شي خوك فالمغرب نعيط لمالين الدار ايصيفتو ليا الفلوس او نتا عطيهوم ليا هنا قال ليا واخا او هز التيليفون عيط لنسيبو قال ليه راه غادي ايهضر معاك شي حد عطيه السمية ديالك باش ايصيفط ليك شي فلوس 

من بعد عطاني التيليفون عيطت لمالين الدار عطيتهوم النمرة ديال داك الراجل قلت ليهوم صيفطو ليه الفلوس دبا فـ وافا كاش من بعد ساعة عيط نسيب داك الراجل قال ليه راه وصلوني الفلوس 

قال ليا داك الراجل راه صيفتو ليه 3000 درهم أو عطاني هو 300 أورو أو قال ليا داكشي لي زايد من عندنا حنا نتعاونو معاك كان قرب الوقت فاش تايسدو الحدود قال ليا بلا ما تخرج دبا راه ما غادي تلقا لي يوصلك تال العاصمة 

بقا هنا معانا تال الصباح او خرج هيا هاديك بقيت معاهوم باالليل درنا العشاء تما دخلو واحد 3 دالكاميوات مغاربة بلاصاو فالصف لي شادين فيه النوبة جاو عندنا تا هما طيبو العشا او بقينا مجمعين او عاود ليهوم داك خونا لي عاوني المشكل ديالي 

فاللخر واحد كان من نفس المدينة او قال ليا كون هاني غادي تمشي معايا تال داركوم فرحت حيت ربي ماخيبني كنت غادي خارج ساعة الأقدار لاقاوني بهاد الراجل الله ايجازيه بالخير 

فالصباح توادعنا مع دوك الناس لي عاونوني حيت هما غادين تال غامبيا بجوج طوموبيلات كبار عامرين بالسلعة 

مشيت دخلت للبيرو عطيتهوم 80 أورو خرجت الفيزا أو خرجنا أنا وداك الراجل بالكاميو لبرا تسنا دوك جوج الاخرين تا خرجو او شدينا الطريق وصلنا نواكشوط وقفو تقداو شي حاجة او كملنا الطريق جيهت الحدود دالمغرب 

وقفتا فواحد البلاصة بالتلاتة دخلنا الفريكو ديال واحد الكاميو خاوي طيبنا فيه الطاجين او أتاي تا كلينا عاد شدينا تاني الطريق وصلنا الدخلة دالحدود الموريتانية مع 12 د الليل بلاصاو او تجمعنا تاني على العشا تا تعشينا او نعسنا فالصباح دخلنا سجلنا الخروج او من بعد قطعنا الصحراء ديال قندهار دخلنا الحدود دالمغرب 

داز داكشي بيخير او ماتهنيت تا كاشاو ليا الباسبور خرجنا أو كملنا الطريق تال أولاد تايمة وصلنا مع 2 د الليل كنت فقمة الفرح حيت قدرت نرجع للدار بسلام 

مشيت عند الشيفور وانا نبوس ليه راسو او جبدت 20 أورو كانت فجيبي نعطيها ليه ما بغاش قال ليا الله مانشد من عندك شي حاجة نتا قد ولدي او هادشي لي درت ليك على راسي او عينيا نتمنى ليك التوفيق او قال ليا شوف مرة خرا ماعمرك تفكر ترجع لأفريقيا 

راه عطا الله البلدان كاينا أسيا كاينة أوروبا تما تا الا بقيتي فيه اومبان مايبقا فيك الحال ضروري تلقا الحل اما أفريقيا راه السفارة براسها ماتعقل عليك 

عاودت بست ليه راسو او جيت للدار دخلت عليهوم لقيتهوم كاملين ايتسناوني فرحو بيا 

الحمد لله فواحد المرحلة فالحدود بكيت الدموع حيت لقيت راسي مادرت والو خططت ساعة كولشي فشل 

دبا راني قاديت المشكل دالبنك انا سديت الحساب أو عاودت واحد أخر جديد راني داير خطة إن شاء الله على حساب نسافر لهونغ كونغ العام الجاي او غادي ندير الإحتياط ديالي هاد المرة .

كنشكر أي واحد قرا هاد القصة او ستافد منها جميع التفاصيل حقيقية او راني صيفت معاهوم صور من جواز السفر للتأكيد أو بالنسبة للناس لي غادي إيسافرو للأفريقيا هادي بعض النصائح :

ما عمرك تعول على الكارط دالبنك حاول تصرف 5000 أولا 6000 درهم للأورو أوخبيها فشي بلاصة مابايناش باش تا إيلا وقع ليك لا قدر الله بحال المشكل ديالي قطع البيي د الطيارة او رجع لبلادك 

حاجة أخرى بالنسبة للسفارة ماتسنى ايعاونوك هما أصلا مامعتارفينش بالمغاربة فأفريقيا 

تانيا ما دير تيقة فتا واحد راه الأفارقة همهم الوحيد هما الفلوس 

شكرا لكم 

تجربتي في أفريقيا .. أخطاء كارتية و نصائح للمقبلين على السفر إليها -الجزء 2-

أنا رجعت ليكوم مع الجزء التاني من الرحلة ديالي فأفريقيا .

مهم فالجزء الأول عاودت ليكوم على العراقيل لي تعرضت ليها قبل ما نوصل للسينيغال أو أخر حاجة كانت فاش حبسوني على حساب ورقة التلقيح الدولي .

ولكن من بعد ما فكيت المشكل خلاوني ندوز مهم خرجت من البوابة أو كانت الطريق باقي بعيدة للعاصمة دكار مهم من البوابة خاصك تركب مع شي مول الموتور حيت تما دايرين الماتر بحال الطاكسيات  أولا كروسة 

ركبت مع مول الموتور داز من واحد الكاريان باين عليهوم الفقر المقفع ناس ساكنين ها تحت شي ميكة أو شي وحدين مفرشين ها فالأرض بلا غطا 

دازت 15 دقيقة وصلنا للمحطة الكبيرة فروصو .... هي كبيرة بزاف ولكن بدائية حيت فيها الطاكسيات هما الخطافة لي عندنا حنا شي طوموبيلات كاع مفرشخين سولت تما على الترانسبور ديال دكار أو لقيت واحد الطوموبيل بيتخرج نيت ركبت معاه أو كان التمن تقريبا شي 3500 فرنك سينيغالي تصورو الطوموبيل هي رونو 12 طويلة أو راكبين فيها 11 واحد أو خانزة الريحة فيها مع كاين الصهد زيد عليها شنيولة لي امرة بيها ديك المدينة خرجنا للطريق الكبيرة أو وقفونا فحاجز ديال العسكر طلو على الطوموبيل بنت ليهوم أنا لي بيض تما طلبو مني الباسبور عطيتهوم شافوه أو هما ايخلونا ندوزو . خرجنا للطريق الكبيرة أو وقفونا فحاجز ديال العسكر طلو على الطوموبيل بنت ليهوم أنا لي بيض تما طلبو مني الباسبور عطيتهوم شافوه أو هما ايخلونا ندوزو ​فالطريق قلت بلي صافي فت الجزء الصعب او الرحلة لي كنت نتخيلها هي هادي الغابات لي كنا ندوزو عليهوم أو الناس لي تنتلاقاوهوم فالطريق أو الجو الإستوائي كاتحس براسك فعالم أخر أو منقدر نوصف ليكوم الشعور ديالي أوقفنا فواحد البلاصة أو قال لينا الشيفور رتاحو شويا أو حركو رجليكوم واحد 30 دقيقة داكشي نيت لي كنت بغيت حيت كنت ها مقرد فاللور خرجنا أو دارو بينا العيلات شي هاز المانجا أو شي وحدين هازين شي فاكهة أول مرة نشوفها دراري الصغار مادين إيديهوم إيطلبو مشيت أنا ندور فديك البلاصة شويا مشيت نشري قرعة دلما لقيتهوم ماتيبيعو القراعي حيت هما الماء عندهوم دايرينو فالساشي بحال الحليب أو رخيص بزاف ساشي فيه 1 لتر بـ نصف درهم أي 0.50 ولكن الماء عادي أو ماشي صحي من الأحسن الواحد إيتسنا تال العاصمة تما كاين سلعة مزيانا شريت كارطا ديال التيليفون SIM بـــ 1000 فرنك أو رجعت للطوموبيل بدينا نقربو شويا بشويا . فاش أوصلنا تما بالليل كانت المحطة خارجة على العاصمة بشي 10 كيلومتر أو كانت كبيرة بزاف أو عامرة بحال المحطة د اولاد زيان شديت طاكسي قال ليا فين غادي أنا مكنتش محدد فالوجهة من قبل أو قلت ليه إيديني للسفارة المغربية حيت كانو الأوضاع شويا متوترة بسبب مشاكل سياسية بين المعارضة او الحكومة السينيغالية داكشي علاش بغيت نكون قريب للسفارة . وصلنا للبلاصة أو كان تما راقي حيت فيه ها السفارات أو القنصليات مشيت نقلب على شي فندق قريب تما لقيت واحد فندق قريب للسفارة أو نقي بــ 25000 فرنك سينيغالي تقريبا شي 400 درهم مغربي خلصت فيه يومين أو طلعت دوشت او نعست حيت كنت عيان فالصباح سمعت الدقان فالباب حليت لقيتهوم جايبين ليا الفطور تال البيت زعما عندهوم الخدمة مريـGــلة فطرت أو هزيت لباسبور أو الوتائق المهمين أو هبطت للتحت ضربت ضويرة باش نشوف الفندق كيداير من بعد خرجت للمدينة كانت بالنهار تبان فشكل أخر واخا داكشي لي كانسمعو على السينيغال هي مطورة بزاف العاصمة بانت ليا حسن من الدارالبيضاء فالبنية التحتية أو جميع الجنسيات كاينين تما بمجرد أنك تمشا فالشارع تاتعرف على أصدقاء تعرفت على ناس من تونس دايرين مشاريع ديالهوم تما أو مغاربة أو صينيين مسييرين الميناء الدولي لي هو أقرب للميناء فطنجة المهم هي أشبه بملتقى التقافات رجعت للفندق هزيت التابليت هبطت للصالون باش نتكونيكطا أو نخطط للرحلة الجاية لي غادي تكون من دكار لــ غامبيا حيت الويفي فالطابق الرابع كان قليل كانت طاحت عليا واحد الفكرة أنني نشد الطيارة من دكار مباشرة للعاصمة ديال غامبيا أو تمنيت كون درت هكاك ماكنتش غادي نتكرفص لقيت الطيارة كانت خارجة من بعد يومين بــ 216 دولار كانت رخيصة ولكن أنا قررت نغامر هنا كانت الكارتة مهم خرجت من الفندق أو شديت طوبيس من داكار لمدينة KAOLACK تقريبا شي 5 ساعات ديال الطريق وصلت او كان قرب المغرب مشيت لواحد فندق رخيص ديال واحد العائلة كانو ساكنين فيه تا هما بت فيه الليلة فالصباح خرجت باش نكمل لمدينة KARANG على الحدود مع غامبيا فاش وصلنا مشيت لواحد القهوة ريحت فيا ناكل شي حاجة كليت من بعد مشيت لواحد البنك كاين حدا الباب دالحدود باش نتيري شي فلوس للإحتياط باش مانبقا أومبان تيريت 50 أورو أو مشيت دخلت للحدود مع غامبيا كان تما عامر أو بنادم شي لاصق فشي كولشي بغا يسبق الغوات او الصداع أو البوليس تايبقا يسب فبنادم دخلت للبيرو فاش كيسجلو الخروج عطيتهوم الباسبور سولوني نفس الأسئلة الروتينية فين غادي أش بيدير مهم جاوبتهم أو كاشاو ليا الخروج أو تميت خارج وصلت عند الجمارك أو قبل ماندخل عندهوم قلت معا راسي علاس مانحسب الفلوس لي عندي باش ما يوقع ليا نفس المشكل لي وقع فروصو بغيت نجبد البزطام نشوف أش فيه وانا نتسمر فبلاصتي البزطام مالقيتو فالجيب قلبت الصاك تا هو والو ناري أش هاد الموصيبة عاودت قلبت حوايجي كاملين والو صافي فشلت كاع ليكارط دالبنك أو البيي د الطيارة من غامبيا لـ ليبيريا كولشي مشا الباسبور بوحدو هو لي بقا ليا أو ديك 50 أورو لي تيريت او شي حاجة كانت فجيبي رجعت لمكتب تسجيل الخروج باش نشوف ياك ما نسيتو تما قالو ليا لا او سولوني واش كان معايا فاش دخلت قلت ليهوم اه واخا مامتأكد قالو ليا شنو لي فيه جاوبتهم او قالو ليا الا داه شي حد الداخل هنا اة مالقا فيه فلوس غادي الوحو فشي بلاصة ولكن أنا كنت خايف على ليكارط دالبنك هما الأفارقة معروف عليهوم النصب والقرصنة دازت ساعة وأنا ندور تما والو مابانت تا حاجة مشيت رجعت للبيرو طلبت منهوم نرجع ندخل حيت فايت طبعو ليا الباسبور فيه الخروج قالي ليا واحد فيهوم ماشي مشكل أصلا مازال ما دخلتي لغامبيا رجعت للفندق هزيت التابليت دخلت للحساب ديالي فـ bmce حبست كاع ليكارط بحكم أنهم تسرقو أو دخلت للحساب ديالي فالبايبال حدفت منو ليكارط أو تاصلت بالرقم الأخضر ديال البنك بلغتهوم أو عاودت لعائلتي تا هي أش أوقع . ماكنتش عارف أش ندير ديك الساعة فاش ندمت علاش مامشيت فالطيارة من قبل أو أصلا الخظأ ديالي أنا حيت جمعت ليكارط كاملين فبلاصة وحدة بالليل تاصلت بعائلتي طلبت منهوم إصيفتو ليا فالصباح 4000 درهم فـ western union باش نقطع فالطيارة للمغرب فالصباح فاش مشاو للبنك باش إيصيفطو قالو ليهوم ممنوع علينا نصيفطو الفلوس من المغرب لبعض الدول الأفريقية ماصدقتش أو تاصلت بالبنك أو قالو ليا راه جميع مؤسسات تحويل الأموال ممنوع عليها تحول الفلوس لأفريقيا من غير الطلبة لي مسجلين فالسفارة المغربية ناري على كارتة كان خاصني نسول على هادشي قبل ماندير هاد المغامرة قلت لمالين دار صافي خلو داكشي تا نمشي للعاصمة او ايحن الله ركبت للعاصمة فاش وصلت مشيت للسفارة دخلت فالإستقبال لقيت واحد البنت سينيغالية قلت ليها أش أوقع قالت ليا تسنا أو كانت السفارة خاوية واحد شويا دخلات واحد المرة مغربية كانت باغا تشوف السفير جات جلسات حدايا قالت ليا مغربي قلت ليها اه أو قالت لي ياك لاباس شنو خاصك فالسفارة هنا عاودت ليها شنو وقع قالت ليا مشكلة هادي او قالت ليا محال ايعاونوك هادو حيت ها الطلبة لي كيعطوهم الحق فتحويل الأموال واحد شويا دخل السفير داز حدانا شويا رجع سول ديك المرا علاش جات قالت ليه على حساب شي وراق ديال شي شركة صيفتها عند واحد الموظف أو سولني أنا أش بيت عاودت ليه المشكل او قلت ليه باغي شي حل باش ايمكن لمالين الدار ايحولو ليا الفلوس قال ليا مايمكن خاصنا شحال تاع الوتائق أو هادشي خاص بالطلبة قلت ليه ها شوف أي حل المهم ها مانبقا فهاد البلاد أو هو ايتبدل فالبلاصة او كايغوط واش بغيتي نعطيك فلوسي راه قلنا ليك لا هي لا كنت واحد اللحظة باغي نسبو أو نخرج ولكن مابغيت نزيد مشكل على مشكل خرجت بلا ما نجاوبو ريحت على برا او انا صافي فشلت تاصلت بمالين الدار قلت ليهوم أش كاين تا هما تصدمو او خافو عليا ولكن ماكاين تا حل .. ( المشكلة كان واحد الحل ولكن مع الخلعة أو الصدمة تا واحد ما فكر فيه لا أنا لا عائلتي هو إيقطعو ليا عائلتي البييى من المغرب او ايصيفتوه فالإميل ولكن كلنا نسينا هاد الحل ) تا من الفلوس مابقات عندي شي حاجة كتيرة فجيبي قررت نبيع التابليت أة التيليفون مشيت للسوق نقلب على شي حد لقيت واحد أو قال ليا نعطيك فيهوم 53000 فرنك تقريبا شي 900 درهم مغربي هادشي تايعني نخسر فيهوم 3000 درهم ولكن أنا ديك الساعة كنت باغي ها نرجع لبلادي مسحت داكشي لي فيهوم أو شديت فلوسي أو مشيت للمحطة ركبت للحدود مع موريتانيا بـ 5600 فرنك تعطل الكار بزاف شي 15 ساعة أو هو شاد الطريق فاش وصلت بانت ليا ديك البلاصة ماشي هيا لي كنت فيها فالاول فاش سولت لقيت راسي فمنطقة أخرى بعيدة على روصو بـ 300 كيلومتر هو داز من تما أو انا كنت ناعس واقيلا ولكن قال ليا واحد راه تا هنا كايقطعو منو لموريتانيا مشيت ركبت مع مول الموتور بـ 500 فرنك تا الواد لي كيقطعو منو لقيت واحد البيرو صغير فيه بوليسي قال ليا فين غادي قلت ليه موريتانيا بقا يشوف الباسبور أو باينا عليه أول مرة تايشوفو عيط على صاحبو بدا يوريه الباسبور حيت ديك البلاصة ماكايدوزو منها لا طوموبيلات لا كاميوات فيها ها الفلايك تيقطعو بيهوم السينيغاليين سولني قال ليا واش الباسبور ديال فين قلت ليه المغرب قال ليا عطيني البطاقة الوطنية هنا عرفتو أول مرة يشوف الباسبور المغربي حيت لاكارط ممنوع إيسولك عليها شي واحد فشي بلاد أخرى أنا حيت لاكارط مشات مع البزطام قلت ليه ماجبتها معايا .. تما قال ليا سير لمدينة روصو تما فين غادي دوز . ناري 300 كيلومتر أش جا يصبر ليها تاني .. الخاتمة غادي نكتبها بوحدها باش ما نطول عليكوم حيت باقي بزاف دالكوارت شكرا لجميع من قرأ القصة باش تستافدو منها لعل فيها بعض النصائح لمن قرر القيام بمتل هده المغامرة /span>

تجربتي في أفريقيا .. أخطاء كارتية و نصائح للمقبلين على السفر إليها -الجزء الأول-

السلام عليكم 

أنا سميتي حسن من مدينة أولاد تايمة 

​بغيت نشارك معاكوم التجربة ديالي فالهجرة نحو بلدان أفريقية بغرض السياحة 

فالبداية خاصكوم تعرفو بلي أنا من المتتبعين ديال المدونة 

عائلتي عارفا عليا بلي مغامر أو عزيز عليا ندير داكشي لي كولشي تايخاف منو مهم فالبداية ديال 2016 قررت أنني ندير رحلة العمر لي حياتي كاملة أو أنا تانحلم بها .

الجزء الأول من الرحلة كان عبر الرحلات البرية من المغرب في إتجاه موريتانيا تم السنغال تم غامبيا 

او الجزء التاني كان رحلات جوية من غامبيا في إتجاه ليبيريا تم ليبيريا في إتجاه كينيا .

المهم بديت نقاد الوتائق ديالي أو مشيت قاديت تأمين السفر من عند bmce bank بحكم أنني منخارط معاهوم كذلك طلبت منهم بطاقة إئتمانية دولية أو فغضون أسبوع وجدو ليا كولشي .

تأمين السفر كان لسنة 2016 و 2017 لأنني كنت معول إحتفالات رأس السنة 2017 ندوزها فكينيا قبل منرجع للمغرب 

عائلتي ما كانش عاجبهم الحال حيت غادي بوحدي أو بالخصوص ملي الوجهة ديالي هي أفريقيا نصحوني باش نتراجع ولكن حب المغامرة لي عندي هو لي خلاني نطمأنهم أو واعدتهم بلي غادي نتاصل بيهوم كل 5 ساعات .

سافرت للعاصمة الرباط باش ندير إستشارة مع القنصليات ديال البلدان لي غادي ليهوم طلب مني أسبوع باش نساليهوم 

قرب الشهر 6 أو هو موعد الإنطلاقة عاودت تأكدت من جميع الوتائق أو جهزت حقيبة ظهر فقط فيها 3 لبسات صافي لاأني مابغيت نتقل عليا وأنا غادي ها جوال بوحدي .

سكانيت جميع الوتائق أو البطاقات الإئتمانية أو جواز السفر او سجلت نسخة فكلي USB او نسخة محفوظة فالإيميل ديالي للإحتياط .

وصل الوقت أو توادعت مع العائلة ديالي بالدموع أو الله شاهد عليا خديت تاكسي من أولاد تايمة لمدينة أكادير بالظبط محطة الحافلات أو قطعت تدكرة لمدينة العيون كانت الحافلة غادي تخرج من بعد ساعتين تسنيت فالمحطة ملي وصل الوقت ركيت الحافلة كنت عيان شويا أو نعست .

وصلنا لمدينة العيون مع 6 د الصباح مشيت لفندق باش نرتاح شويا من السفر كان الفندق رخيص 60 درهم لليلة مهم بت ليلة من بعد قطعت فالكار لمدينة الداخلة وصلنا تاني مع الصباح عاودت تاني مشيت لفندق عندو إطلالة على البحر كان التمن ديالو غالي شويا مقارنة مع الأول 200 درهم .

بت ليلة وحدة أو مشيت نقلب على الترانسبور لي غادي للحدود المغربية مع موريتانيا 

قلبت تا عييت مالقيت والو أو الكار ديال ستيام كان خاصني نتسنا 3 أيام عاد إخرج ولكن أنا ما فيا لي إيتسنا خصوصا أن الداخلة معروفة بالبرد القارس أو الرياح لكونها شبه جزيرة .

مشيت بغيت نشد طاكسي كورسا طلب مني مولاها فالاول 400 درهم بديت نتاوا معاه تا قبل بـ 250 درهم مشينا خرجنا مع الظهر أنا أو هو بوحدنا كانت الطريق خاوية أو قليل فين نتلاقاو مع شي شاحنة عسكرية أو فبعض المناطق كانت الطريق مسدودة بالرمال 

صراحة كان المنظر خيالي مشاهدة الرمال الدهبية وهي تزحف على طول الطريق .

وصلنا للحدود مع 6 أو قال ليا مول الطاكسي بلي الحدود سادين خاصني نتسنا تال الصباح كنت مرتاح حيت أصلا كنت باغي نشوف المنطقة الحدودية كيفاش دايرا أو طلبت منو بعض النصائح لي خاصني نطبقها فاش نخرج بحكم أنه عارف مزيان المنطقة فاش سولني على الوجهة ديالي أو عاودت ليه مخطط الرحلة ماصدقش أو قال ليا بلي حياتو كاملة ماعمر سمع سي واحد بغا إيقوم برحلة بحال هادي .

عطاني بعض النصائح أو من ضمن النصائح كانت هي أنني مانتيق فتا واحد لأنه الأفارقة معروفين بحبهم للمال أو ندير الإحتياط ديالي من بعد توادعت معاه او رجع هو للداخلة أو قبل مايرجع مشا معايا عند واحد مول القهوة تما أو طلب منو مايفرط فيا قال ليه راه صديق ديالي . بقيت مريح فالقهوة شويا أو خرجت ندور بانو ليا الحدود شويا خاويين بعض الشاحنات فقط هي لي واقفا تسنا بالليل عيط عليا مول القهوة أو وراني واحد البيت قال ليا نعس هنا تال الصباح أو جاب ليا 2 مانطات أو قال ليا خود راحتك بلا ماتفيق بكري راه نتا غادي ها على رجليك . فعلا داكشي لي درت خرجت تا هضرت معا مالين الدار أو العائلة ديالي أو رجعت للبيت واحد شويا جا مول القهوة جاب واحد براد أتاي أو جلس فالبيت أو بدا يسول على الوجهة ديالي فاش عاودت ليه تا هو ستغرب ولكن بحكم أنه كبير فالسن أو دوز 20 سنة فالحدود عاود ليا على قصص عاشها تما فبعض الأحيان صعيب تصدقها كانت الجلسة معاه ممتعة .

فالصباح فقت معا 10 مشيت غسلت حالتي أو خرجت نطل أو أنا نلقا واحد الصف ديال الشاحنات طويل أو شحال تاع الصداع 

تصدمت هادشي كامل ماخليتو البارح مشيت هزيت حوايجي أو مشيت نتوادع مع مول القهوة أو طلب مني نصرف الفلوس للأورو قبل مانخرج على حساب الفيزا الموريتانية ( هادي كنت أنا نسيتها ) او طلب مني نزورو الى رجعت ولكن أنا فالمخطط ديالي غادي نرجع من كينيا فرحلة جوية ولكن واعدتو أنني غادي نرجع إنشاء الله .

مشيت صرفت الفلوس أو كان مايمكنش إيصرفو ليك كتر من 3000 درهم أو كيطلبو ليك الباسبور قبل ما يصرف من بعد مشيت للبوابة وقني الشرطي طلب مني جواز السفر أو كان مبتسم ( صراحة البعض فالحدود ما غادي ننسى طريقة التعامل ديالو ) سولني على الوجهة ديالي أو جاوبتو بالوجهة الأخيرة لي هي كينيا أو ستغرب كيفاش ندير أو عاودت ليه المخطط أو من بعد تمنى ليا التوفيق أو طلب مني هو الأخر الإحتياط أو وجهني لمكتب الشرطة باش إطالعو على السجل العدلي ياك ما مبحوت عليا فشي مدينة  

من بعد لمكتب تسجيل الخروج من بعد لمكتب الجمارك أو هنا غادي إيصعبو القضية أول سؤال هو فين غادي جاوبتهوم أو قالو ليا نتا كاتكدب مايمكنش تمشي هاد المسافة كاملة بوحدك أو هاد معاك كمية قليلة من الملابس أنا كنت عارف بلي هادا ها بروتوكول باش إلعبو ليا على الأعصاب ديالي أو كان الجواب ديالي هو كالتالي :

أنا مواطن مغربي أو ما خرجت هاد الباسبور باش نخبيه فالدار او الدول لي غادي ليها سبق ليا أو ستاشرتهم أو كولشي مريكل أو من الأخر أنا حر نمشي لأي بلاصة طالما ماعندي شي مدكرة بحت أو لا شي وتيقة ناقصة .

متا كانش عاجبهوم الحال على هاد الهضرة أو طلبو مني نخوي جيوبي من داكشي لي فيهوم أو قلبو الصاك ديالي لدرجة أن الجيوب لي فالسروال قلبوهوم كانو إيقلبو على أي حاجة ممكن إيشدوني بيها ولكن مالقاو والو هنا ضحكت واحد الضحكة أو لاحو ليا الصاك ديالي جمعتو أو شديت الباسبور ديالي أو مشيت جيهت بوابة الخروج تما كانو عناصر  من الشرطة العسكرية أو الديستي أو الجيش عاودو تأكذوا من الوتائق ديالي من بعد حلو ليا الباب فاش خرجت كانت هادي بداية ديال رحلة العمر بين الحدود المغربية والموريتانية كاينا منطقة سميتها قندهار الصحراء أو ممتدة على طول 7 كيلومترات كانت أشبه بمنطقة حربية الطريق كانت وعرة أو السيارات المحروقة في كل مكان أو الأفارقة موجودين بكترة أو كاينين سيارات مازال جداد بدون لوحت ترقيم .

تما باش توصل تال الحدود الموريتانية خاصك تركب مع خطاف موريتاني بمبلغ 500 أوقية ( حوالي 13 درهم مغربي ) ماشي مبلغ غالي حيت الفلوس طايحين بزاف تما ولكن المرة الأولى ضروري تصيد مشيت وصلت الحدود دخلت لمكتب تسجيل الدخول لقيت 2 بلبسة العسكر كان المكتب قديم أو عامر بالتراب أو كانو حاطين حدا الباب 2 أسلحة من نوع الكلاشينكوف باينين ماعمرهوم تستعملوا حيت عامرين بالغبار . طلب مني جواز السفر أو سولني شحال بينبقا جاوبتهوم بلي غادي ها ندوز من العاصمة أو طلب مني 80 أورو على حساب الفيزا خلصتو أو طلب مني نجلس قدام الكاميرا باش إيصورني أو خرج الفيزا فالبلاصة لصقها فالباسبور ( غادي نشارك معاكوم الصورة دالفيزا للتأكيد ) أو صيفتني لمكتب الجمارك تما ماشي بحال المغرب قال ليا واش هاز معاك شي حاجا ممنوعة قلت ليه لا صافي طبع الباسبور أو قال ليا طريق السلامة .

خرجت شريت بطاقة سيم للهاتف بملغ 400 أوقية ( حوالي 10 دراهم مغربية ) من نوع موريتيل 3G أو مشيت عند واحد الخطاف سولتو شحال يوصلني تال العاصمة نواكشوط قال ليا 3500 أوقية ( حوالي 95 درهم مغربي ) المبلغ ماشي غالي مقارنة بالمسافة لي كتبلغ كتر من 500 كيلومتر ركبت معاه أو كنت أنا بوحدي كان مشارجي سلع مغربية فيها سكر أو دقيق أو الزيت 

الطريق كانت طويلة أو خاوية ولكن الفرق بينها أو بين المغرب هو أنه كل 5 كيلومتر كاين حاجز للدرك الوطني أو كل حاجز خاص تعطيهوم الباسبور باش إيشوفوه وصلنا من بعد 7 ساعات ديال الطريق للعاصمة نواكشوط أو فالحي لي حطني فيه كانو فيه الأارقة من جميع الجنسيات أو محال واش إبان ليك شي حد موريتاني لقيت صعوبة فالتواصل معاهوم لكونهم يتكلمو بالحسانية أو قليل لي كايفهم الفرنسية ديالنا حنا 

مهم مشيت نقلب على شي فندق لقيت واحد الفندق 3 نجوم بالإستعانة بموقع booking.com بمبلغ 10000 أوقية لليلة ( حوالي 270 درهم ) بت فيه 3 أيام كتاشفت خلالها العاصمة الموريتانية أو تعرفت على العديد من الاصدقاء فهاد المدة القصيرة .

من بعد ما دازت المدة مشيت قطعت تدكرة للحدود الموريتانية مع السنغال بمبلغ 5000 أوقية ( حوالي 136 درهم مغربي ) خرجنا مع الفجر او كانو نص ديال الركاب تقريبا سينيغاليين الشيفور كان موريتاني او كان ضحوكي عزيز عليه إيضحك الناس وصلنا من بعد 6 سوايع ديال الضحك او النشاط للمدينة روسو لي كانت عبارة عن مدينة كبيرة قاسمها الواد النص كان ديال موريتانيا أو النص ديال السنغال تما درت أول غلط فالدخلة عند الجمارك الموريتانية طلبو مني الباسبور عطيتو ليهوم أو سولوني على الوجهة قلت ليهوم داكار أو سولوني ياك ما هاز شي حاجة ممنوعة  قلت ليهوم لا وطلب مني نصرح بكمية المال لي هاز معايا أنا فاش جاوبتهوم نسيت ماحسبت 50 أورو + 500 درهم كنت مخبيهوم للإحتياط فاش بداو إيفتشو لقاوهوم أو قالو ليا أنا تانكدب عليهوم هادشي خلاهوم إيقلبو الصاك بالكامل او الجيوب ديال السروال كاملين فالأخير  قالو ليا بلي غادي إيصادرو الفلوس لي ماصرحت بيهوم أنا تصدمت أقلت ليهوم بلي هادي ماكاينا فالقانون أو قال ليا بلي القانون عندنا فبلادنا ماشي هو القانون ديالكوم أو صدقت خاسر ما يقارب 38500 أوقية مبلغ كبير بالنسبة ليهوم .

قلت ماشي مشكل ضروري يوقعوا ليا بعض المشاكل فأول مرة .

من بعد ما ساليت الإجراء ديال الجمارك خاصني نقطع الواد أو كاينين 2 باخرات خدامين حيت الواد كبير بزاف الباخرة كانت كاتهز شاحنات كبار أو طوموبيلات أو الناس تا هما كتستغرق 30 دقيقة باش تقطع الواد ( نصيحة : نتمنى أي واحد إيعتمد على راسو أو ما يطلب من شي سينيغالي أولا موريتاني إيتكلف ليه )

فاش كاتوصل للجمارك السنغالية كاتحط الباسبور عند مكتب التسجيل أو تسنا على برا تا يعيطو عليك أو حيت لقيت تما عامر طلب مني الوقت 3 ساعات باش نعاود نشد الباسبور

واحد الملاحظة : تما فالسينيغال مايسوق ليك تا واحد أش هاز الجمارك ماتايفتشوك ما والو 

شديت الباسبور أو مشيت جيهت البوبة باش نخرج وقفني عنصر من الشرطة أو طلب منيي وتيقة التلقيح الدولي ( وتيقة التلقيح الدولي كيطلبوها جميع الدول الأفريقية بحكم أن الأجانب عرضة للإصابة بالأمراض )

أنا ماكنتش عارف هاد القضية واخا كان نصحني بيها موظف فالبنك طلبت منو إيتساهل معايا ولكن كان قاسح أو قال ليا بكل بساطة Retour à votre pays بقيت مزير معاه أو قلت ليه بلي عندي تأمين على السفر أو فيه كولشي واخا أنا ها تنكدب ولكن جبدت ليه نسخة من التأمين كنت طلبتها من البنك باللغة الإنجليزية أو عطيتها ليه هو بقا يشوف فيها مافهم والو أو عطاها لواحد صاحبو من بعد عيط ليا طلب مني 1000 فرنك سينيغالي ( حوالي 20 درهم مغربي ) أو خلاني ندوز 

سمحلو ليا عييت من الكتبة غادي نكتب الجزء التاني الأسوأ لي وقع ليا فالسنغال من بعد .

5 أسباب وراء هوس العالم بتايلاند Thailand

تعتبر تايلاند واحدة من أجمل الدول التي قد تقع عليها عيناك، مجرد النظر إليها يجعلك تظن أنها ليست سوى قطعة وقعت من الجنة، لم يزرها بشري قط.

تقع تايلاند جنوب شرق آسيا وتنقسم إلى 75 محافظة، يصل تعداد سكانها إلى 66 مليون نسمة، أما عن عاصمتها بانكوك فقد صُنفت عام 2013 بأنها المدينة الأكثر زيارة على وجه الأرض.

هذه الإحصائيات لم تضع بعين الاعتبار بقية أجزاء ومحافظات تايلاند والتي لا تقل جمالاً عن بانكوك هي الأخرى بل تضاهيها روعة.

ولكن ما الشيء المميز إلى هذه الدرجة بها خصيصاً دوناً عن أي دولة أخرى في العالم ؟ ما السبب وراء تهافت السياح من جميع أنحاء العالم إليها ؟

في الواقع إنها مجموعة من الأشياء المميزة والتي إذا عرفتها أنت أيضاً فربما تكون غداً على متن أول طائرة متجهة إلى تايلاند !

1- الشواطىء,,

تمتاز تايلاند بمجموعة من الشواطىء التي تعتبر من أفضل شواطىء العالم ذات الرمال البيضاء الناعمة، وعادةً ما تكون مياهها زرقاء نقية ودافئة، وهذا يجعلها مثالية للسباحة.

2- الثقافة التايلاندية,,

معروف عن الشعب التايلاندي أنه الشعب الأكثر وداً وبشاشة، بالإضافة إلى كونه متفاهماً جداً مع السياح على الرغم من عدم إتقانه للغة الإنجليزية جيداً، فهم بالكاد يعرفونها، حيث تُدرَّس اللغة الإنجليزية كلغة ثانية في المدارس الثانوية والجامعات.

95% من سكان تايلاند يتبعون الديانة البوذية، وتأثير ذلك يظهر جلياً في كل مكان بدايةً من المعابد الضخمة انتهاءً إلى الرهبان الوقورين.

أما ثاني أكبر ديانة في تايلاند بعد البوذية هي الديانة الإسلامية، حيث تمثل 3.8% من إجمالي السكان، تليها المسيحية تليها الهندوسية.

3- يسيرة التكلفة,,

وهذه واحدة من أهم مميزات تايلاند  فليس من العسير السفر إليها وهي لا تكلف أموالاً طائلة لا تستطيع تحملها، حيث أن سعر الصرف بتايلاند ملائم للغاية مما يعني أن الكثير يستطيع تحمل جميع أنواع الجولات، من حيث الطعام والإقامة.

وإليك المفاجأة الأفضل; يمكنك شراء أي شيء يمكنك تخيله من كبرى مراكز التسوق بتايلاند وبأسعار رخيصة للغاية، فهي تكاد تكون لا تكلف شيئاً هناك إذا قارنتها بأسعار أي دولة أخرى، لذلك تأكد من أنك لن تسافر بحقيبة واحدة فقط لأنك حتماً عند العودة ستحتاج إلى المزيد !

أما عن الطعام فإنه رائع، لذيذ وفاخر ومع ذلك فإنك لن تحتاج إلى أكثر من دولارين للوجبة الواحدة.

والرائع في الأمر أنه يمكنك الإقامة بمنتجع فاخر إذا أردت مقابل 20 دولاراً لليلة، ويمكنك أيضاً الإقامة بجزيرتك الخاصة والتي لا يمكن الوصول إليها إلا عبر الزورق وكل ذلك مقابل 25 دولاراً فقط !

ولهذا مهما كانت ميزانيتك لهذه الرحلة فإنك دائماً ما ستجد في تايلاند ما يتناسب مع هذه الميزانية.

4- الحيوانات البرية,,

هل هناك من لا يريد اللعب مع القرود وركوب الأفيال ؟! هذه التجارب لا تتوافر فقط، وإنما تشيع بشكل لا يصدق في جميع أنحاء تايلاند.

5- آمنة نسبياً,,

يعرف الجميع عن تايلاند أنها آمنة، سواء إذا كنت تشق طريقك عبر الغابات أو تتسوق في أحد مراكز التسوق ببانكوك، فإنك لن تقلق من أي أخطار يمكن أن تعترض طريقك.

حيث أن تايلاند تتميز بكثير من التطور والحداثة، إلا أن هناك قرى لم يمسها التطور وقد تمثل خطراً ولذلك لا يُسمح بالذهاب إليها أو استكشافها إلا بواسطة السكان المحليين وعادةً ما يكون الجزء الشمالي من المدينة أقل تطوراً من الجزء الجنوبي.

قد تتسائل، ما هو أفضل وقت للسفر إلى تايلاند خلال السنة ؟

يمكنني أن أخبرك بأنك يمكن أن تسافر خلال الطقس الذي تفضله، فتايلاند يتنوع بها الطقس، إذا كنت تفضل المناخ الصيفي فإنها تكون استوائية دافئة من منتصف شهر مايو إلى شهر سبتمبر، أما إذا كنت تفضل الطقس البارد والمناخ الشتوي فيمكنك أن تسافر خلال شهر نوفمبر إلى منتصف شهر مارس للعام الذي يليه، أما الجزء الجنوبي من المدينة فدائماً ما يكون حار ورطب.

7 اسباب تجعلك تزور كوكب اليابان

اليابان  تعتبر من اجمل الدول حول العالم من ناحية المظاهر الطبيعية و العادات بين شعبها وستحب اليابان اكثر بعد معرفة عدة اشياء عنها:

 
1- دولة اليابان هي دولة في غاية النظام من شعبها و اي شخص ياتي اليها حتى اذا كانت اول مرة له ينبهر من نظام شعبها و نظافتهم لبلادهم بشئ غير طبيعي.

2- اليابان تقترب كل عام اكثر من الاخر الى ان تكون هي الدولة العظمى مكان الولايات المتحدة الامريكية .

3- في اليابان يجعلون  الاطفال في المدارس ينظفوها كل يوم لمدة ربع ساعة مع المدرسين ليتعلموا التواضع و لايهملون حياتهم و ينظفوا من حولهم في اي مكان يذهبوا اليه.

4- اليابان مشهورة بالقنبلة النووية التي دمرت الملايين من المنازل و سقوط العديد من الضحاية وسقوط اليابان في الاقتصاد و افلست لكن شعبها تكاتف بع بعضه و صنع معجزة يتحدث عنها العالم الى الان و سوف يتحدث عنها الى الابد وهي ان شعب اليابان عاد بببلده من تحت الصفر الى بلد تاخذ جوائز في التكنولوجيا و اصبحت دولة غنية ومرشحة لان تصبح دولة عظمة
      
 5 - تعتبر اليابان من اكبر دول العالم من حيث التعداد السكاني حيث يبلغ عدد السكان في اليابان 127000000 نسمة تقريبا لاكن هي تستفاد من هذا العدد الضخم من سكانها في تعليمهم تعليم متميز و مراعاتهم و هم صغار الى ان يكبروا وتقريبا معظم اليبانيين و الذي هم في عمر الشباب يكون له مشروع ويتم الاعتماد على نفسه و يترقه عائلته ليعيش في منزل وحيد ليعتمد على نفسه و عندمة يكبر المشروع الصغير الخاص به يكبر ويظل يعتمد على نفسه و لهذا اليابان تعتبر افضل دولة في التعليم , و ايضا في التكنولوجيا و اليابان تعتبر اكتر دولة تكنولوجيا في العالم.

6 - معدل البطالة في اليابان منخفض جدا او شبه منعدم لان الدولة تهتم باطفالها و شبابها ثم الدولة تعتمد على شبابها رغم ان كل عام تقريبا يضرب اليابان اعصار "تسونامي" و فيضانات و مدن تدمر بشكل كامل بمنازلها و شركاتها , ويعتبر هذا الفيضان و الاعصار "تسونامي" , هو الشئ الوحيد الذي يقف امام الشباب و شعب اليابان في كل عام ويزيد من نسبة البطالة في البلد , ولكن الشعب يتعاون ويبني البلد مرة اخرى و تعود نسبة البطالة مرة اخرى الى الانعدام تماما.

7 - هم ايضا المصنعين الاصليين لاكلة "السوشي" المعروفة في العالم كله , وهم  سجلوا في موسوعة غينيس العالمية للارقام القياسية , في اكلة السوشي وقامو بشراء سمكة كبيرة جدا وزنها 230 كيلو جرام ثمنها باهظ جدا  83.500 الف دولار وصنعوا من هذه السمكة البالغ وزنها 230 كيلو جرام 2.500 قطعة سوشي من سمكة واحدة , القطعة الواحدة من ال 2.500 قطعة كلفتهم 75 دولار اي  كلفتهم اجمالي السمكة و قطع السوشي مبلغ كبير جدا وهو 180.000 الف دولار ولهذا سجلوا في الموسوعة  العالمية .

  
اذن بعد كل هذه الاشياء الرائعة , فا دولة اليابان تستحق فعلا ان تكون الدولة العظمى و اذا تحكمت هي في العالم بسياستهة الحازمة و الرائعة في رؤيتها لمستقبلها سوف يستفيد منها العالم اجمع , و اتمنى من وطننى العربي ان يكون مثل اليابان حتى في شئ واحد وهو التعاون في بناء الوطن , فا اليابان هي فعلا كما يقال عنها , هي كوكب يعيش فيه كائنات غريبة عن العالم , أنه كوكب اليابان. 

7 أسباب تجعلك تنتقل إلى ماليزيا

7 أسباب تجعلك تنتقل إلى ماليزيا

الإنتقال إلى بلد آخر ليس بالأمر السهل أبدًا، فقد يكون من الشاق التعود على ثقافة ولغة جديدة وطقس ونظام مختلف بالإضافة إلى طعام جديد لم تتعود عليه. فإذا كنت قد انتقلت إلى هذه الجنة الإستوائية، فهنيئًا لك على اتخاذ هذه الخطوة الحكيمة. أما إذا لم تقرر بعد إن كنت تود الإنتقال إلى هنا ولازلت تفكر في الأمر، فمن الافضل لك الإطلاع على هذا المقال، إذ قمنا بإعداد قائمة لأفضل 10 أسباب تجعلك تتنتقل إلى ماليزيا.

1- الإستقرار السياسي والإقتصادي

شهدت ماليزيا كدولة العديد من السنوات التي اتسمت بالإستقرار السياسي والإقتصادي. كما أنه من غيرالمتوقع أن تتعرض إلى ركود إقتصادي شديد على الرغم من الظروف الإقتصادية الراهنة التي يعاني منها العالم.

2- البنية الأساسية

تمتلك ماليزيا بنية تحتية جيدة يتم تحسينها باستمرار، إذ أنها تحتوي على مطار من الطراز العالمي وعاصمة حديثة و طرق ممتازة كذلك.  هذا بالإضافة إلى أن لديها إلتزامًا شديدًا لتصبح مركزًا رائدًا في مجال تكنولوجيا المعلومات بالمنطقة.

3- العقارات

يمكن للأجانب شراء منازل سكنية بالعدد الذي يريدون حتى وإن كانت بنظام التملك الحر والتي يفوق سعرها 500.000 رينغيت ماليزي، كما أنه من الممكن الحصول على قرض محلي . ليس هذا فقط، بل يمكن لبعض الشركات أن ترتب لك إيجارات قصيرة الأمد وتقوم بالعناية بمنزلك في حالة ما إن كنت بعيدًا عنه.

4- السلامة والصحة

معدل الجرائم في ماليزيا أقل بكثير من معظم الدول الغربية الأخرى. كما أن الخدمات الصحية المتوفرة بها  ذات كفاءة عالية هذا بالإضافة إلى أن المستشقيات الخاصة تقدم علاجات من الطراز العالمي بتكلفة أقل بكثير مقارنة بالدول الاخرى.

5- الجمال الطبيعي

ماليزيا من إحدى الدول ذات الكثافة السكانية الأكثر انخفاضا في آسيا وتحتوي على العديد من الأرياف التي تستحق الإستكشاف من غابات وتلال وجزر استوائية،  أو يمكنك الإكتفاء بالإسترخاء فقط على الشواطيءالعديدة الموجودة . ماليزيا أيضًا تحتوي على ثروة هائلة من النباتات والحيوانات والحياة البرية.

6- الطعام

يتمتع معظم الأجانب بالمطبخ المحلي المالاي والصيني والهندي.كما أن هناك العديد من المطاعم التي تقدم أطباقا من مختلف أنحاء العالم.

7- الشعب واللغة

الماليزيون شعب ودي وحار،  ومعظمهم يجيدون التحدث باللغة الإنجليزية . إذ أنك لست بحاجة إلى تجعل نفسك تبدو وكأنك من أهل البلد، فكن متأكدا أنك لن تجد أي مشكل في الإستقرار وتكوين صداقات مهما كانت المنطقة التي أتيت منها.

8 أسباب تجعلك تريد العيش بروسيا

8 أسباب للعيش في روسيا

من وقت لآخر تتأثر روسيا بالأزمات الاقتصادية وهذا ما يخلق بعض من التخوف لذا اولئك الذين يأتون إلى روسيا لكسب المال السريع أو بناء مستقبل مهني (المهاجرين من آسيا وأوروبا وأمريكا الشمالية) ، بعكس أخرين الذين يرون أن روسيا قطب عالمي جذاب يستحق الزيارة .

لماذا نجد روسيا جذابة جدا ؟ دعونا نحاول معرفة ذلك .

1. التسامح

روسيا بلد متسامح للغاية. وقد أظهرت استطلاعات الرأي المختلفة أن الأوروبيين والأمريكيين ليسوا شعوب متسامحة للغاية في ما يخص المعتقدات و الديانات على عكس الروس .

في هذا البلد ، التسامح ليس مجرد حيلة سياسية، ولكن الطريقة تعايش .

في الواقع، هناك أكثر من 180 الشعوب التي تعيش في روسيا. لسنوات عديدة أناس من ثقافات وجنسيات مختلفة تساهم بشكل كبير في تطوير روسيا .

2. السكن في روسيا المثير للاهتمام

هذا البلد الضخم هو خليط من ثقافات مختلفة، الطبيعية والحضارية . و الروس أنفسهم عينات مثيرة للاهتمام بشكل خاص ، غير مقيدة بأي اتفاقيات.

3. العلاقات الإنسانية الحقيقية

الروس مختلفون كثيرا عن شعوب الدول الآسيوية أو الأوروبية ، الذين يتبعون دائما قواعد المجاملة

عندما يبتسم الشخص الروسي ، فهو يفعل ذلك بصدق . عندما يكرهون حقا شيء، من غير المرجح إخفاء ذلك. وروسيا هي المكان الوحيد، حيث يمكن أن يكون "حديث من القلب إلى القلب"، أي يمكنك أن تقول ما يتبادر إلى ذهنك.

4. الروحانية و الذكاء

يتميز المواطن الروسي بكونه شخص روحاني و ذكي بغض النظر عن مستواه الاجتماعي

قد تتفاجأ عندما تجد فتاة جميلة تشتري الأغراض و الأدوية لسيدة كبيرة في السن لا تستطيع القيام بذلك رغم قرب المسافة و لا تعتبر ذلك شيء مميزا فهو جانب من جوانب الروحانية عندهم

5. المنازعات

النزاع هي ظاهرة فريدة من الحياة اليومية في روسيا.  في الواقع، من الصعب جدا أن نتخيل خلاف حقيقي في أي ثقافة غربية أو شرقية الأخرى إلا إذا كانت المناقشات علمية. في روسيا، لقاء أو مهرجان العيد قد يؤدي إلى مناقشات ساخنة حول أي موضوع ممكن ، والمعروف أن الحقيقة تولد من الحجج هذا ما يؤمنون به .

6. الموهوبين

الروس أناس موهوبون بالفطرة – المشاكل و الأزمات تدفعهم للابداع في شتى المجالات -  

اذا نظرتم على تطوير العلوم والتكنولوجيا، وسوف ندرك أن العديد من الاختراعات والاكتشافات كانت بفضل الروس الأصليين والمهاجرين . حتى في الوقت الحاضر، لايزال هذا الاتجاه قائما. فمن الجميل أن نعيش في روسيا، وتحيط بها هؤلاء الأشخاص الموهوبين.

7. الفن الروسي

إذا كنت تعيش في روسيا، لديك فرصة لتزج نفسك في تاريخها الغني ولمس كنوز من الثقافة العالمية من كتاب و شعراء و ملحنين و غيرهم من صانعي الفن و الثقافة الروسية  

8. الجمال

الجميع يدرك أن المرأة الروسية هي الأكثر جمالا في العالم. ما بين العديد من الأجناس يمكنك تمييز الروس من جمالهم المختلف عن البقية  

في كلمات بسيطة، إذا كنت ترى فتاة جذابة على الشاطئ ، لا تتردد في تحية لها في روسيا بالقول "Privyet!" ( "مرحبا!").

بالتأكيد، الحياة في روسيا لديها عيوبها ، ولكن ليس هناك أي دولة مثالية في العالم كل ما أدركه أنك لن تندم أبدا على زيارتها.

10 أشياء يجب أن تعرفها قبل الهجرة إلى البرازيل

السلام عليكم،في هذا الموضوع سوف نتطرق للعيش في إحدى دول أمريكا اللاتنية وهي البرازيل نظرا لأن مدونة الهجرة الإلكترونية تتوصل بعشرات الرسائل حول هذا البلد من العديد من الشباب من جميع أنحاء الوطن العربي خاصة الإخوة المغاربة والجزائرييين وعليه سوف نعرض لكم 10 أشياء يجب معرفتها قبل أن تقرر الهجرة إلى البرازيل من عدمه وهي كالتالي:

البرازيل ليست مكان لجمع المال:

عكس البلدان الأوربية وأمريكا وحتى الخليج فتكلفة العيش في البرازيل جد مرتفعة حيث شهدت الأسعار إرتفاع ملحوظ منذ سنة 2008 بنسبة بلغت 140% حتى أن بعض مناطقها تساوي غلاء مدن كبرى كلندن.

مشكل السكن:

إيجاد سكن ليس بالأمر السهل في البرازيل حيث أنه إن كنت تريد عقد كراء طويل الأمد (30 شهرا) فسوف تحتاج إلى من يضمنك خاصة في مدن مثل ريو ديجانيرو، وإن لم تستطع الحصول على ضامن فالحل الوحيد الذي يكون متبقيا هو "كراء مؤقت" وهو به بعض الأثات لكن ليس جيد وهو أقرب إلى دورالصفيح منه إلى مسكن، لكن إن كنت تتوفر على المال الكافي فيمكنك كراء شقة أن منزل مناسب بالقرى والبلدات الواقعة خارج المدن وهي أرخص مقارنة بأسعار المدن على كل حال.

البرازيليون وكثرة الكلام:

ما يميزالشعب البرآزيلي هو أنه شعب يحب الحديث كثيرا،يعني ترتار، حيث أنهم يمكن أن يتحدثوا عن أشياء لن تحدث أو غير مهمة، فمثلا يتحدثون عن برنامجهم وخططهم لعطلة الأسبوع في حين أنهم لن ينفذوا شيئا منها.

إقامة مقابل طفل:

إن ولد لك طفل في البرازيل فسوف تحصل على إقامة دائمة لبقية حياتك.

العلاقات ودورها في إيجاد العمل:

كلما كنت تعرف أشخاص كثيرين وكلما كونت صدقات أكثر كلما  توسعت دائرة علاقاتك الإجتماعة وحصلت على عمل في وقت أسرع،لأن العلاقات تلعب دور جد مهم في البرازيل لإيجاد شغل والعمل في مكان ما فإحرص على ذلك.

اللغة:

إحرص على تعلم البرتغالية قبل أن تقرر الهجرة إلى البرازيل ولوحتى قليلا فهي جد مهمة لإيجاد عمل وبدونها سوف تعاني كثيرا،وعندما تحصل على عمل إحرص على أن تطور لغتك من خلال أخذ دروس مسائية لتعلم البرتغالية لأن هذا سوف يساعدك للحصول على عمل أحسن.

الطعام:

الأكل جد رخيص في البرازيل كما أن أسعار الفواكه والخضراوات الطازجة منخفض للغاية.

نظرة البرازليين للأجانب: 

الشعب البرازيلي شعب جد طيب ولطيف في معاملته للأخرين،كما أنه جد سهل الحصول على أصدقاء جدد هناك وهو عموما مجتمع يتقبل باقي الجنسيات ويتعايش معهم بكل أريحية.

التغطية الصحية:

بمجرد حصولك على عمل في البرازيل فإنك سوف تستفيذ من تغطية صحية ، المصحات الخاصة جد غالية لكن المستشفيات العمومية أرخص رغم أن خدماتها ليست بتلك الجودة،البرازيل كذلك تتوفر على ما يسمى المراكز الصحية وهي مجانية ليس فقط للبرازليين لكن للأجانب كذلك.

الأجور:

الأجور والرواتب جد ضعيفة في البرازيل مقارنة مع مصاريف الحياة هناك حيت أن متوسط الراتب حين العمل في مطعم أو متجر لن يتجاوز 350 دولار وهو مبلغ زهيد لمن يحلم بالهجرة لكسب المال وتكوين نفسه.

5 أشياء سوف تجعلك تهاجرإلى كوريا الجنوبية South Korea

إلى جانب كونها تتوفر على إحدى أغنى الثقافات بالإضافة إلى المطبخ الكوري الشهي 
وأناسها الطيبين علاوة على غناها بالمظاهر الطبيعية الخلابة من جبال ومنتجعات تحبس الأنفاس ،تعتبر كوريا الجنوبية نقطة جذب للعديد من الباحثين عن فرص عمل من شتى أنحاء العالم خاصة مدرسي اللغة الإنكليزية والتخصصات الأخرى، وعليه فمدونة الهجرة الإلكترونية سوف تفتح اليوم البوابة الأسيوية من عاصمة التكنولوجيا سيول.

هناك خمسة أسباب تجعل العيش في كوريا الجنوبية جد رخيص وهو مايعني أنك سوف توفر الكثير من المال ونفقاتك سوف تكون قليلة وغير مكلفة،وسنتطرق لكل سبب على حدى :

سكن مجاني:

أحسن وأجمل وأفضل شيء عند الحصول على عقد عمل  خاصة إن كنت مدرس لغة إنكليزية لكوريا هوالسكن المجاني،نعم مجاني وهو ما يعني أنك لن تنفق نصف مراتبك اخر كل شهر على الكراء ،حيث أن الشركة أو المدرسة التي تعمل لصالحها سوف تدفع قيمة إستئجار المنزل أو الشقة المخصصة لك وسوف تعمل على أن تجد سكن مريح ولائق من أجل راحتك، لكن يجب الإشارة هنا إلى أنه خلافا لباقي البلدان فالمساكن هنا تكون مساحتها جد صغيرة ،وعليه فيجب أن تكون مهيئا ذهنيا للسكن فيها والتأقلم مع نمط الحياة هذا ويجب النظر إليها من الناحية إيجابية مثل أن السكن مجاني وهذا يعني مال أكثر، كما أن هذا سيجعلك تخرج أكثر خارج غرفتك للتعرف أكثر على الثقافة الكورية.



الفواتير الرخيصة:

النقطة الأخرى الرائعة هي الفواتير الغير مكللفة والتي سوف تتفاجئ برخصة تكلفتها،حيث أنه حتى في عز الصيف عند إستعمال أنظمة التكييف طوال الوقت وحتى في ذروة إستعمال جهاز التدفئة في الشتاء القارس لن تتجاوز فاتورة الكهرباء 50 دولار وهولاشيء إن قارنه مع بلدان أخرى في موسمي الصيف والشتئ ، أما في الأيام العادية فتكون في حدود 20 دولار لاغير، أما وقود السيارات فهو أرخص بكثير من الكهرباء حيث أنك سوف تنفق ما متوسطه 15 دولار لاغير أو حتى أقل بكثير، الشيء الوحيد الذي ليس رخيص هو فاتورة الهاتف حيث إنه تصل إلى 100 دولار مع صبيب أنترنيت عادي ومحدود أما إن كنت مشترك في خدمة الصبيب العالي فتوقع أن تدفع أكثر.


مؤكولات الشوارع والمطاعم  :

أغلب المطاعم الكورية غير مكلفة،وعليه فالخروج ليلا للإستمتاع بوجبة عشاء شهية لن يكلفك الكثير،فمن أطباق الشوارع مرورا بالشواء الكوري الذيذ الإستمتاع بالأكل خارجا جد ممكن ولن يأخذ من ميزانيتك ،فأطباق السمك الشهي أو صحون الأرز المخلوط بسلطة فواكه البحروحتى قطع الدجاج المشوي لاتتجاوز دولارين لملئ بطنك حتى التخمة.

الترفيه والتسلية:

تتوفر كوريا الجنوبية على بنية تحتية للترفيه عن النفس ستجعلك لن تحس بالملل إطلاقا،يكفي أن تتذكر أنه بلاد شركة سامسونغ عملاق الهواتف الذكية لتتخيل عدد قاعات ٱلعاب الفيديو المنتشرة في جميع أرجاء البلاد وسوف تفاجئ عندما تشاهد إعلانات عن مباريات لهذه الألعاب تقام أيام عطلة الأسبوع ولها جمهورها الخاص،كما أن المدن الكبرى تحتوي على مدن ملاهي تنافس مثيلاتها كديزي لاند،إلى جانب كل هذا سوف تجد على طول البلاد العديد من المتنزهات الوطنية والتي تتميز بنظافتها وكذلك بجمالية مكوناتها من شلالات وأنهار وغابات خضراء وغيرها.


التسوق:

الملابس والأحذية والإكسسوارات الأخرى كلها بأثمنة مناسبة بإستثناء الماركات العالمية الكبرى ،حيت أن المولات ومراكز التسوق الكبرى مليئة بمختلف أنواع الألبسة وبمختلف المقاسات والأشكال لكن تجدر الإشارة أن بعد آلمتاجر لا تعتمد على السعر الثابت وبالتالي فسوف تحتاج إلى التفاوض حتى تحصل على سعر جيد،لكن يجب أن تعلم أن جودة الملابس والأحذية مشكوك في جودتها بكوريا الجنوبية كمعظم المنتوجات الأسيوية وعليه فلا تتعجب إن تقطع حذائك بعد شهر أو شهرين فقط من شرائهم أو توسع أو تغير لون قميصك بعد التصبين،ورغم ذلك فهذه الأشياء جد رخيص هنا ومتوفرة في أغلب الشوارع.

إتبع هذه النصائح للحصول على فيزا شنغن مضمونة Schengen Visa

جواز سفر مختوم

الحصول على فيزا شنغن يمكن ان يكون تحدي غير سهل ،ورغم دلك ان اخذت هذه النصائح بعين الاعتبار فيمكن أن تسهل الحصول على هذه التأشيرة:

* إذا كان عمر جواز سفرك سنة أو أقل ينصح أن تقدم معه جواز سفرك القديم ،أما في حالة كان جواز السفرالخاص بك قد تجاوز العشر سنوات فيجب أن تأخذ بعين الإعتبار الحصول على أخر جديد عند التقدم للفيزا(أنظر تاريخ إنتهاء صلاحيته أولا).

*إحرص على أن يكون جواز سفرك صالحا لثلاثة أشهر على الأقل عند إنتهاء مدة التأشيرة المزمع أخذها،يجب كذلك أن يحتوي على صفحتين فارغتيين من أجل وضع أختام التأشيرة،أما في حالة كنت ستقدم على ذخول متعدد (الذخول لمرات عديدة) فيجب أن يكون صالحا لمدة سنة أو أكثر عند إنتهاء  رحلتك.

*يمكن التقدم لمعظم تأشيرات شنغن في غضون ثلاثة أشهر( تفقد الموقع الرسمي للدولة المراد زيارتها لتعرف ماذا يفضلون) قبل تاريخ رحلتك. لم يعد يستغرق إستخراج الفيزات معدة طويلة هذه الأيام كما كان في السابق رقم ذلك ينصح بالتقدم بالطلب أسبوعين على الأقل قبل موعد سفرك تجنبا لأن تحصل على جواز سفرك مختوما في وقت متأخرعن موعد إنطلاقة رحتلك إن كان هناك بطئ في نظام المعلوماتي الخاص بهم.

*خذ موعدا مسبقا مع القنصلية أو المكاتب الخدماتية التابعة لهم إن كان الموعد مطلوبا،أما إن كان العكس فإحرص على أن تحضر

.مبكرا لتجنب الصفوف الطويلة. في قمة الذروة مثل موسم الصيف والأعياد قد تضطر لمدة قد تصل إلى شهر قبل أن تجد أقرب موعد.

*كما يعلم الجميع أن هم عنصرفي كل هذا هو إمتلاك الوثائق الصحيحة،فهي مفتاح قبول الطلب والموافقة عليه.شاهدت بنفسي عدت أشخاص يعودن لمنازلهم بخفي حنين لأن وثائقهم ناقصة أو غيرمقنعة،فمن بين الأشياء الضروري إحضارها: جواز السفر،صور،طلب التقديم،شهادة عمل (أو أي شيء يحل محلها)،أوراق تبين رصيدك البنكي،حجز فندقي مؤكد،حجزتذاكر الطائرة وتأمين السفروالذي تختلف مدته من دولة إلى أخرى في الإتحاد الأوربي.

.