زواج مغربي سويسرا: تجربة زواج مختلط ونصائح قيمة

موضوعي ان شاء الله سيشمل مراحل الزواج المختلط من طق طق حتى السلام عليكم.

اول مرحلة بالنسبة لي كانت الوتائق المطلوبة من السفارة السويسرية من اجل الحصول على الكفاءة Certificat de capacitématrimoniale 

 ولهذا نحتاج الى الوتائق التالية : 

1 ـ رسالة مكتوبة بخط اليد و بامضاء منها تكتب انها موافقة على زواج بك

مذكورة بالاسم الكامل و تاريخ الازدياد لكلا الزوجين و العنوان القاطنة به الخطيبة.

2 ـ  نسختين من البطاقة الوطنية او بطاقة الاقامة و الصفحة الاولى من الباسبور.

يمكن بعث الوثائق عبر الفاكس أو البريد الإلكتروني

FAX : +212 537 26 80 40

email :  rab.vertretung@eda.admin.ch 

تم تأخد معك نسخة كاحتياط، بالنسبة لي لم اكن احتاج الرسالة لان زوجتي كانت معي يوم الموعد، بالنسبة للموعد يجب الاتصال بالرقم :05.37.26.80.30/31

من الاثنين الى الخميس 8h صباحا الى 12h30  و من 13h00 الى 16h بعد الزوال

 الجمعة من 8h00 الى 13h30

بالنسبة للطرف المغربي :

1 ـ 2 نسخ من البطاقة الوطنية 

2 ـ 2 نسخ من جواز السفر

3 ـ نسخة كاملة من عقد الازدياد ( في حالتي طلبتها باللغة الفرنسية لتفادي تمن الترجمة )

4 ـ شهادة العزوبة ( من المقاطعة، وقد طلبتها باللغة الفرنسية ايضا )

5 ـ شهادة السكنى ( وهده هي الوثيقة الوحيدة التي ترجمتها ب 120درهم )

 بالنسبة الى عقد الازدياد يتم المصادقة عليه بمحكمة الأسرة بالدار البيضاء بحي الولفة

اما بالنسبة الى شهادتي السكنى و العزوبة يتم المصادقة عليهم من طرف العمالة.

ثم اتجه الى الرباط بالضبط الى ملحق وزارة الخارجية ليتم المصادقة على كل الاوراق + طابع بريدي ب 20 درهم 

للإشارة، عندما كنت بصدد دفع ملف جواز سفري، دهبت للمقاطعة على الساعة 12 تقريبا..

لأتفاجأ بالسيدة تقول لي حبسنا جي حتا لغدا، وهوما كايساليو حتى 4 على ما في علمي،

وبالصدفة كانت معي الواليدة ديالي حيت كان خاصها تصوب شي وراق فنفس الوقت،

كانت باينا بغات دير لينا العصا فالرويدة باش نعطيوها شي حاجة،

ولكن خليتها منها الواليدة الله يعطيها الصحة وراتها فيلم ديال الخليع،

بڭاع العياقة قالت ليها مابغيتيش تخدمي وهي تجبد الهاتف بحال الا غادي تعيط لهيلاري كلنتون،

الموظفة شداتها الخلعة وخدات الملف باش دفعو، كل هدا لأقول لكم لا للسكوت على الحق،

أصلا هاد البلاد السعيدة عندنا فيها غير شويا ديال الحق وحتا هو بغاو يحيدوه لينا الله ياخد فيهم الحق.

ما علينا، اخدت موعد يوم 23 فبراير على الساعة 10، الوجهة الرباط.. قنصلية سويسرا..

عند وصولنا نجد الحارس طلب منا جوازات سفرنا تحقق من وجود الموعد تم دخلنا للقنصلية،

واحد خونا سويسري تما شافني وهو يغوبش حسيت بيه كايقول فراسو عاوتاني عربوش هههه والله اعلم بالنوايا.

ما علينا، جاء دورونا وفي الاستقبال كانت سيدة مغربية الله يعمرها دار..

راجعت الاوراق كلشي 5/5، والهدوء قبل العاصفة.. السيدة تطلب مني اداء واجبات الكفاءة وهي 4500 درهم،

والمشكل انني ولقلة المعلومات لم اكن على دراية بهده المصاريف،

طلبت منها هل بإمكاني ان اعود في اليوم الموالي فكانت الصدمة،

يجب ان احصل على موعد جديد، واقرب موعد هو يوم 10 مارس..

هدا خطأ وقعت فيه ولكن لحسن الحظ زوجتي كانت باقا في المغرب لمدة شهرين تقريبا.

قدر الله وما شاء فعل..

يوم 10 مارس، عودة الى الرباط لكن هده المرة عمر داوود ما يعاود..

نصيحة للاخوان راجعو مزيان الاوراق ديالكم حيت هادشي مهم بزاف.

تم استقبالنا من طرف نفس السيدة، اعادت مراجعة الاوراق، كلشي مزيان..

دفعت المصاريف تم اعطتنا 3 استمارات بهم اسئلة روتينية، الاسم النسب اسم الاب الام...

عند انتهاءنا، طلبت منا انتظار القنصل لنوقع الطلب امامه، وهدا ما كان بالفعل..

سالينا سالينا تم قال لنا يجب علينا الانتظار ما بين شهرين او 3 أشهر.

لكن قبل التوصل بها يجب على زوجتي العودة لسويسرا، لانه مكتب الحالة المدنية اتصل بها من اجل اتمام الإجراءات الخ..

الموعد كان يوم 23 ماي، كانت اسئلة روتينة وتقريبا نفس الشيء في القنصلية..

عادت زوجتي يوم 6 يونيو الى المغرب ومعها الوتائق التالية :

1 ـ عقد الازدياد 

2 ـ السجل العدلي 

3 ـ شهادة العزوبة او صورة طبق الاصل من حكم الطلاق

اتصلنا بالقنصلية لمعرفة ما ادا كانو توصلو بالكفاءة فكان الرد ايجابي الحمد لله بعد 3 اشهر طوييييلة من الانتظار،

طلبو منا القدوم الجمعة 10 يونيو على الساعة 9.

لكن قبل دلك كنت لم أحضر بعد الوثائق المطلوبة مني من اجل الزواج،

فبدأ السباق الماراطوني يوم الجميس 9 يونيو والخطوة الأولى كانت شهادة الخطوبة،

توجهت الى المقاطعة.. مصحوبا بنسخة من البطاقة الوطنية،

اعطوني ورقة بحث يجم تسليمها للمقدم من اجل توقيعها مع توقيع 2 شهود يشهدون انك عازب،

بما ان المقدم كانعرفو ( ماشي خويا ولكن كانعرفو، اييييييييهاب ههههه )،

فلم احتج الى 2 شهود، وقع لي البحث تم أخدته للمكتب الأول فسلمني شهادة الخطوبة،

هده الوثيقة تطلبت مني نصف ساعة تقريبا،

تم بعدها توجهت لمقاطعة الازدياد للحصول على النسخة الكاملة لعقد الازدياد،

طلبت 5 نسخ، الموظف بدا كايمعني عليا.. راه فيها الخدمة بزاف لا من هنا لا من لهيه،

بغا نعطيه شي حاجة ولكن قلت ليه والله ما تبعك..

استسلم لأمر الواقع تم أعطاني ما أريد، دفعت تمن التمبر 2 دراهم، ادن 10 دراهم لأنني أخدت 5 نسخ.. تطلبت مني 30 دقيقة أيضا،

ادن لا زال لدي الوقت لاتمام وثائقي بالرغم من انه كان يوم من ايام رمضان المبارك وكان الجو حارا بعد الشيء،

بعدها توجهت لكاتب عمومي من اجل كتابة طلب الإذن بالزواج المختلط موجه الى قاضي الأسرة،

هاد الكاتب العمومي نصاب محترف، كتب ليا طلب ب 80 درهم،

والغريب فالأمر انه انا لي مليت عليه ما يكتب،

فلهدا الاخوان لا داعي للدهاب عند كاتب عمومي لأن الأغلبية الساحقة نصابة وهاد الفلوس ستكون بأمس الحاجة لها،

لمن يريد نمودج لهدا الطلب فليراسلني على الخاص..

هاد الكاتب العمومي هو ايضا عدل فسألته على شهادة الاسلام فقال لي 700 درهم،

الصدمة كانت قوية فهدا تمن باهظ بالنسبة لشهادة، المهم قلت له من بعد ونعاود نرجع،

بغيت نسول على راسي فبلاصة أخرى.. 

ما علينا، دهبت عند عدل أخر فطلبت من الثمن من أجل شهادة الاسلام..

فكانت الصدمة قوية......... بدون مقابل.... والله يا خوتي برد لي الما في الرجلين...

واحد طلب مني 700 درهم، وواحد قال لي هاد الوثيقة كانديرها فابور،

باقين الناس باغين الخير، للاشارة انا لا أدري ان كان فعلا يعطي هاد الوثيقة فابور او لأنه كان شهر رمضان،

هادا هو رقم الهاتف ديالو عيطولو وسولوه 0662143405 الاسم ديالو عبد السلام الصمدي،

وموجود بالدار البيضاء بورنازيل, طلب مني 5 صور وجواز الصفر + صفحة دخول المغرب ثم طلب مني العودة يوم الاثنين.

بعدها دهبت لمستشفى الحومة لطلب الشواهد الطبية، ب 50 درهم ادن 100 درهم انا وزوجتي،

نصيحة للاخوان ديو معاكم الصرف حيت الطبيب لي عطيتيها ليه كايخشيها فجيبو..

وقد أعدر من أندر.. بالنسبة للشهادة الطبية أخدتها في الحين.

لم يتبق لي سوى الصور،

دهبت الى المصور ( مع نهار كامل وانا كانجري والشمس والصيام والسخفة ما نعاودش ليكم كيف جيت فالتصاور ههه )..

كل هدا أخد مني نصف يوم تقريبا والحمد لله.. عدت الى البيت منهكا باغي غير نعس هههه الله يسمح ليا الصلاة ماصليتهاش حتى فقت..

في اليوم الموالي، كانت الوجهة قنصلية سويسرا بالرباط، يوم حافل بالجري والمشاكل !!!!

وصلنا، كما جرت العادة اعطينا جوازات سفرنا للحارس تم دخلنا للقنصلية،

انتظرنا تقريبا نصف ساعة تم تمت المناداة علينا، اخدنا الكفاءة، تم اعادت لي تقريبا 1500 درهم،

الباقي من 4500 درهم التي دفعتها في المرة السابقة

( شحال زوينة تخشي فجيبك 1500 درهم لم تكن في الحسبان ) خصوصا انني كنت في أمس الحاجة لها..

ربي كبير الحمد لله.

كان علينا الدهاب لملحقة الوزارة الخارجية من أجل التصديق على الكفاءة،

لكن دهبنا قبلها الى وزارة العدل من اجل استخراج السجل العدلي المركزي الخاص بالأجانب،

طلبو منا نسخة من جواز السفر تم طلبو منا العودة على الساعة 2 زوالا مصحوبين بتمبر بقيمة 10 دراهم،

كانت الساعة 11 تقريبا، دهبنا بعدها لملحقة الوزارة الخارجية من أجل التصديق على الكفاءة،

تم بعدها ذهبنا لمحطة القطار لنسترح قليلا.. فجأة اكتشفت ان جواز سفر زوجتي لا يوجد في جيبي،

والله يا خوتي دارت بيا الأرض ما عرفت باش تبليت.. بديت ندور كيف شي حمق فالمحطة،

مشيت للاستقبالات والو ماكاينش، الشرطة لي فالمحطة حتى هوما والو..

يا ربي مادا عساي أفعل.. أخر حل كان عندي هو العودة لملحقة الوزارة الخارجية،

خدينا سيارة أجرى ومشينا، وصلنا لقينا واحد المردة سولتو وهو يقول ليا طلع لفوق خودو راه كاين..

ما تصوروش كم الفرحة ديالي كانت كبيرة.. من هاد المنبر كانبغي نقول ليكم ردو البال لهاد المسائل،

ومن الأحسن ديرو جميع الوثائق ديالكم في محفظة. 

أخدنا جواز السفر درتو فجيتي ودرت ليكم حكمة المخلب زيرت عليه ههههه الخلعة ومادير..

توجهنا الى وزارة العدل لاستلام السجل العدلي المركزي، كان قبلنا تقريبا 20 شخص،

لكن التسليم كان سريعا.. تقريبا 5 دقائق كانت كافية،

تم بعدها عندنا الى الدار البيضاء بعد يوم متعب جدا، ومحمل بالمتاعب، و الحمد لله.

السبت والأحد كان للراحة.. 

الإثنين 13 يونيو، الساعة 9 ونصف دهبت عند العدل من اجل استلام شهادة الاسلام،

لأنها كانت الوتيقة الوحيدة التي تنقصني، بعدها كنا يجب علينا سنخ الملف 4 مرات + الأصلي،

أنصحكم ديرو النسخ قبل ماشي حتا تمشيو للمحكمة حيت التمن زايد فيها..

بعدها توجهت الى المحكمة وبالضبط مكتب الزواج المختلط.. انتظرنا تقريبا نصف ساعة تم جاء الدور علينا،

راجعت السيدة الاوراق،

فطلبت مني شهادة الجنسية السويسرية فقلت لها الله يسمح ليا راه قالو ليا فالقنصلية انه لا داعي فجواز الصفر يحل محلها

( ولكن انا لم أطلبها لأن تمنها 400 درهم وليس لها أي دور، فلا داعي ان تطلبوها فجواز السفر يفي بالغرض )،

قالت لي ماكاين مشكل،

تم بعدها سألتني هل زوجتي تعمل أجبت بالنفي فطلبت مني ان تكتب زوجتي تصريح تأكد فيه أنها لا تعمل,

وأن أصادق عليه في المقاطعة التي توجد على بعد 5 دقائق من المحكمة

( باللغة الفرنسية، لأن محكمة الأسرة بالدار البيضاء تقبل الوثائق باللغة الفرنسية )،

عدت بعدها لإتمام الوتائق تم أعطتني ظرف مغلق لا يجب فتحه موجه الى نائبة وكيل الملك بالمحكمة نفسها،

بعدها نائبة وكيل الملك طلبت منا التوقيع وأعطتنا أيضا ظرف موجه لوالي الأمن،

دهبنا بعدها الى ولاية أمن الدار البيضاء الكبرى الموجودة بشارع الزرقطوني،

دهبنا لمكتب الضبط أخدو منا نسخة من الملف تم طلبو منا الدهاب لمكتب التحقيق بالطابق الرابع

( للأمانة كانت معاملة الشرطة رائعة، فقط مكتب الضبط أما مكتب التحقيق الله يعطيهم التوفيس هههه )،

دهبنا لمكتب التحقيق فطلبو منا العودة في اليوم الموالي لأن الساعة كانت 3 زوالا.

هدا ما كان، عدنا في اليوم الموالي على الساعة 10..

كانت الأسئلة روتينية من قبيل الاسم النسب اسم الام الاب المستوى الدراسي اسم المدارس التي درست بها عملك...

سألني ان كانت بيننا علاقة جنسية فأجبت ب لآآآآآآ، لأنه سبب كاف لعدم قبول الزواج، فاحدرو.

بعدها جاء الدور على زوجتي، كانت نفس الأسئلة تقريبا.

بعدها طلبت منه الوقت اللازم للحصول على الملف فأجابني بكل برودة دم...

جي غدا مالقيتيش جي بعد غدا مالقيتيش جي بعد بعد غدا

( انا مسالي ما عندي زعما مايدار غادي نبقا خيطي بيطي عندو ) طلع ليا لدم ديال بصح، ماحملتوش..

الله يلاقيني بيه فشي زنقة ما كاتخرجش

عدت في اليوم الموالي الى الولاية، فوجدته أتمم البحث لكن لا يزال فوق مكتبه،

قلت له صافي التحقيق واجد عطيه لمكتب الضبط يوقعوه ويصفطوه

فوعدني ان يبعته اليوم ادن اليوم الموالي يمكنني الدهاب للمحكمة،

ولكن لم أصدقه بطبيعة الحال فعدت مباشرة الى الولاية في اليوم الموالي، والمفاجأة أن ملفي لا يزال في نفس المكان،

قصحت معاه شوية الهدرة، فطلب مني السماح وقالي نسيت رمضان هادا بلابلابلابلا...

قالي دابا غادي نصيفطو كون هاني غدا والله حتى تلقاه..

عدت في اليوم الموالي وفعلا وجدت التحقيق في المحكمة، بالمكتب 81،

أعطاني ملف وطلب مني أخده لنائبة وكيل الملك، التي أعطتنا بدورها ظرفا موجها لقاضي الأسرة،

هدا ما كان بالفعل.. طلبو منا الانتظار الى ما بعد صلاة الجمعة، دهبت للصلاة تم بعدها عدت للمحكمة،

تم أخدنا الإذن بالزواج. 

تم توجهت الى العدل، الدي طلب مني الموافقة تم نسخة من الملف.. تمن العقد هو 700 درهم 

  

كانت فرحة لا توصف صراحة، خاصة عندما طلب العدل من زوجتي شحال تبغي فالصداق فقالت 1 درهم.. 

قرينا الفاتحة ودرنا الدعاء انا والعائلة وشوية ديال الزغاريت تم عدنا الى حال سبيلنا..

ناشطن ظاحكن مزوجن هههه

والله يا خوتي لازم من الصبر والنفس الطويل من الادارات المغربية كايركبو فبنادم السكر، الا من رحم ربي وصافي...

حاولو ماشي لي طلب منكم شي حاجة تعطيوها ليه،

وأيضا نقطة مهمة وقفو على حقكم فهو حق لكم، وجميع مراحل الزواج هي مجانية مهداة من طرف الدولة.

ان شاء الله يوم الاثنين سأتسلم العقد النهائي،

تم أترجمه للغة الفرنسية تم أصادق عليه بالمحكمة الابتدائية تم ملحقة الوزارة الخارجية

لأنه لدي موعد مع السفارة السويسرية يوم الاثنين 27 يونيو من أجل دفع ملف التجمع العائلي

( على دكر التجمع العائلي لي عندو شي معلومات تخص التجمع بسويسرا يفيدنا بيها الله يرحم الواليدين

خصوصا ان أم الزوجة ديالي هي الضامن ديالنا ).

اما بالنسبة للوثائق المطلوبة من أجل التجمع العائلي فهي : 

1 ـ 3 نسخ من البطاقة الوطنية

2 ـ 3 نسخ من جواز السفر

3 ـ 3 نسخ من استمارة طلب فيزا طويلة المدى ( VISA D ) مكتوبة بشكل جيد وموقعة

 4 ـ 3 نسخ من السجل العدلي + الأصلي ( المصادقة عليه ليست ضرورية )

5 ـ 4 صور بخلفية بيضاء ( 35mm-40mm )

6 ـ 3 نسخ من جواز سفر الزوجة 

7 ـ نسخة طبق الأصل من عقد الزواج الأصلي مصادق عليه من طرف الوزارة الخارجية

+ ترجمة عقد الزواج مصادق عليها من طرف المحكمة الابتدائية تم وزارة الخارجية بالرباط

8 ـ 2 نسخ من النسخة الكاملة من عقد الإزدياد + الأصلي مصادق عليها من طرف محكمة الأسرة تم وزارة الخارجية بالرباط

تم بعدها تبدأ مرحلة الانتظار...